ޣައްސާން އެ ފަދައިން ވިދާޅުވެފައިވަނީ ޕީޕީއެމް/ ޕީއެންސީއަށް އެއްވެސް ދިރުމެއް ރައީސް ޑރ. މުއިއްޒު ދޭން ބޭނުންފުޅުނުވާ ކަމަށް ކުރީގެ ރައީސް އަބްދުﷲ ޔާމީން އަބްދުލްގައްޔޫމް ވިދާޅުވެފައިވާ ދަނޑިވަޅެއްގަ އެވެ.
ޣައްސާން މިރޭ އެކްސްގައި ކުރެއްވި ޕޯސްޓެއްގައި ވިދާޅުވީ ރިޔާސީ އިންތިހާބަށް ރައީސް ޑރ. މުއިއްޒު ނިކުމެ ވަޑައިގަތީ އެ ކޯލިޝަނުން އެންގެވި ފޯމިއުލާއެކު، އެ ކޯލިޝަނުގެ ސެނެޓާއި ލީޑަރުންނާއި އަދި އެ ކޯލިޝަނުން އިންތިހާބު ކޮށްފައި ހުރިހާ ގުނަވަންތަކާއިިިިިިިިިި ޕާޓީގެ އާންމު މެމްބަރުންގެ އިތުބާރާއި ތާއީދާއެކު ކަމަށެވެ.
ޣައްސާން އިތުރަށް ވިދާޅުވީ އެ ކޯލިޝަނުގެ ސަފުތަކަކަށް އެއްވެސް ހީނަރުކަމެއް ނާންނަ ކަމަށާއި ނުވެސް އަންނާނެ ކަމަށެވެ. އަދި އެފަދަ ކަމަކަށް ދެ ޕާޓީގެ ވިސްނުމެއްވެސް ނެތް ކަމަށް އޭނާ ވިދާޅުވި އެވެ.
ޕީޕީއެމުން ވަކިވެވަޑައިގަތުމަށްފަހު ރައީސް ޔާމީން ތަކުރާރުކޮށް ގެންދަވަނީ ޕީޕީއެމާ މެދު ޕީއެންސީން ކަންކުރާ ގޮތާމެދު ކަންބޮޑުވުން ފާޅުކުރަމުންނެވެ.
ޣައްސާން މިހެން ވިދާޅުވެފައިވާއިރު ރައީސްގެ ސްޕެޝަލް އެޑްވައިޒަރު އަބްދުއްރަހީމް އަބްދުﷲ (އަދުރޭ) ވަނީ ޕީޕީއެމްއަކީ ވަކި މީހެއްގެ މިލްކެއް ނޫން ކަމަށް ވިދާޅުވެފައެވެ. އަދި އެއީ ގައުމިއްޔަތުގެ ފިކުރު ކަމަށްވެސް އަދުރޭ ވަނީ ވިދާޅުވެފަ އެވެ.
- އިތުރަށް ކިޔާލަން: ޕީޕީއެމްއަކީ ވަކި މީހެއްގެ މިލްކެއް ނޫން،އަދުރޭގެ ރައްދު ޔާމީނަށް
