އެމަނިކުފާނު މިހެން ވިދާޅުވީ އަންނަ ރައްޔިތުން މަޖިލީހުގައި އައްޑޫ ސިޓީގެ ދާއިރާތަކަށް ވާދަކުރާ އެމްޑީޕީގެ ކެންޑިޑޭޓުންގެ ކެމްޕެއިން ޖަލްސާއެއްގައި ވާހަކަދައްކަވަމުންނެވެ.
ރޭ ރާޅުގަނޑު ސަރަހައްދުގައި ބޭއްވި މި ޖަލްސާގައި ވާހަކަދައްވަމުން ރައީސް ސާލިހް ވިދާޅުވީ އެމަނިކުފާނުގެ ވެރިކަން ނިމުނިއިރު އެސްޑީއެފް ފަންޑުގައި 32 މިލިއަން ޑޮލަރު ހުންނާނެކަމަށެވެ. އަދި އެ ފައިސާ ހުންނާނީ ބޭނުން ކޮންމެ އިރަކު ނެގޭގޮތަށް ރާއްޖޭގެ ބޭންކުތަކުގައި އިންވެސްޓްކޮށްފައިކަމަށް ރައީސް ސާލިހް ވިދާޅުވިއެވެ.
އެސްޑީއެފް ފައިސާއާ ގުޅުވާ ސަރުކާރުން ދެއްކެވި ވާހަކަތައް ދޮގުކުރައްވަމުން ރައީސް ސާލިހް ވިދާޅުވީ އެމަނިކުފާނު ވެރިކަމާއި ހަވާލުވިއިރު އެފަންޑުގައި ހުރީ 1.9 ބިލިއަންކަމަށާއި ވެރިކަން ނިމުނިއިރު އެ އަދަދު 7 ބިލިއަނަށް އަރާކަށެވެ. އަދި އެކައުންޓުގައި ޑޮލަރު ހުރީ މިދިޔަ އަހަރުގެ ތެރޭގައި އެ އެކައުންޓަށް ޑޮލަރުން ފައިސާ ޖަމާކުރަން ފެށުމުންކަންވެސް ރައީސް ސާލިހް ވަނީ ފާހަގަކުރައްވާފަ އެވެ.
މި ސަރުކާރުގެ އިގްތިސާާއި ބެހޭ ވަޒީރު މުހައްމަދު ސައީދު މިދިޔަ ފެބްރުއަރީމަހު ހއ. ކެލާާ ރައްޔިތުންނާ ވާހަކަ ދައްކަވަމުން ވިދާޅުވީ ރައީސް. މުއިއްޒު ވެރިކަމާ ހަވާލުވެވަޑައިގެންނެވިއިރު ސޮވެރިން ޑިވެލޮޕްމަންޓް ފަންޑުގައި ހުރީ 2 މިލިއަން އެމެރިކާ ޑޮލަރާއި 2.4 މިލިއަން ދިވެހި ރުފިޔާކަމަށެވެ. އަދި ވެރިކަމަށް އެންމެ 3 މަސްދުވަހުގެ ތެރޭގައި އެސްޑީއެފް ފަންޑަށް 30 މިލިއަން ޑޮލަރު ޖަމާކޮށްފައިވާނޭކަމަށްވެސް ސައީދު ވަނީ ވިދާޅުވެފަ އެވެ.
