މި ދަތުރުގައި ރައީސް ސާލިހާއި އެކު އެމްޑީޕީގެ ޗެއާޕާސަން ފައްޔާޒު އިސްމާއިލްވެސް ބައިވެރިވެޑައިގަންނަވައެވެ. ރައީސް ސާލިހަށް އައްޑޫ ސިޓީން މަރުހަބާ ކީ މަޖިލީހުގެ ރައިސް މުހައްމަދު އަސްލަމާއި އެ ސިޓީގެ މޭޔަރު އަލީ ނިޒާރުގެ އިތުރުން އައްޑޫ ސީޓީގެ އެކި ދާއިރާތަކަށް ވާދަކުރާ ކެންޑިޑޭޓުންނެވެ.
ރައީސް ސާލިހް އައްޑޫ ސިޓީއަށް މި ވަޑައިގަތީ މަޖލިސް އިންތިހާބުގެ ކެމްޕެއިންނަށް ދެކުނަށް ކުރައްވާ ދަތުރުފުޅުގެ ތެރެއިންނެވެ. ރޭ ރައީސް ސާލިހް ވަނީ ފުވައްމުލަކު ދާއިރާތަކަށް ވާދަކުރާ ކެންޑިޑޭޓުންގެ ބޭއްވި ކެމްޕެއިން ޖަލްސާތަކުގައި ބައިވެރިވެފައެވެ.
ރައީސް ސާލިހް އައްޑޫސިޓީއަށް ވަޑައިގަތުމުން މަރުހަބާ ކިޔަން ނުކުމެ ތިބި ބައެއް މީހުން
ރައީސް ސާލިހް މިއަދާ މާދަމާ އައްޑޫގައި މަޑުކުރެއްވުމަށް ފަހު ހުވަދު އަތޮޅަށްވެސް ވަޑައިގަތުމަށް ވަނީ ހަމަޖެހިފައެވެ.
ރައީސް ޑރ. މުހައްމަދު މުއިއްޒުވެސް މާދަމާ ނުރަސްމީ ދަތުރުފުޅެއްގައި އައްޑީ ސިޓީއަށް ވަޑައިގަންނަވާނެކަމަށް ރައީސް އޮފީހުން ވަނީ ބުނެފައެވެ.
