ރައަީސް ޔާމީންގެ މައްޗަށް ކްރިމިނަލް ކޯޓުން ިއއްވާފައި އޮތް 11 އަހަރުގެ ޖަލު ހުކުމުން އިއްޔެ އެމަނިކުފާނު ވަނީ މިނިވަންވެޑައިގެންފައެވެ. ހައިކޯޓުން ޔާމީން ހުށައެޅި މައްސަލަ ނިންމާފައިވަނީ އެ މައްސަލއިގެ އަޑުއެހުންތައް ނިންމާފައި އޮންނަތާ 4 މަސްދުވަސްފަހުންނެވެ.
ރައީސް ޔާމީން މިނިވަންވުމުން ޕީއެންސީގެ ނައިބު ރައީސްކަންވެސް ކުރައްވާ އާދަމް ޝަރީފު އުމަރު އެކްސްގައި ކުރެއްވި ޕޯސްޓެއްގައިވަނީ އެކަން މަޖިލިސް އިންތިހާބާއި ގުޅުވާލާފައެވެ.
އޭނާ ވިދާޅުވީ ރައީސް ޔާމީން މިނިވަން ވުމަކީ ހިތައް ތަސައްލީއެއް ލިބުނުކަމެއް ކަމަށެވެ. އަދި ރައީސް ޔާމީންގެ ޝަރީއަތް ލަސްކުރީ އެމްޑީޕީންކަމަށާއި އެކަން އެގޮތަށް ކުރީ ރައީސް ޔާމިން އުފެއްދެވި ޕީއެންއެފްގެ ވޯޓު މަޖިލިސް އިންތިހާބަށް ހޯދަންކަމަށްވެސް އާދަމް ޝަރީފު ވިދާޅުވިއެވެ.
ޖަލު ހުކުމުން މިނިވަންވެޑައިގަތުމަށްފަހު ނޫސްވެރިންނާއި ވާހަކަ ދައްކަވަމުން ރައީސް ޔާމީން ރޭ ވިދާޅުވީ
ދަށު ކޯޓުން އިއްވި ޖަލު ހުކުމްގެ އިސްތިނާފު ލަސްވުމުން ގިނަ ހައްގުތަކެއް ގެއްލިގެން ހިއްގަޖެއްކަމަށާއި ޝަރީއަތް ލަސްކުރަން މި ސަރުކާރުންވެސް މަސައްކަތް ކުރިކަމަށް ގަބޫލުކުރައްވާކަމަށެވެ. ރައީސް ޔާމީން ވަނީ މި ސަރުކާރުގެ ސިޔާސަތުތަކަށް ވަރަށް ބޮޑަށް ފާޑުވެސް ވިދާޅުވެފައެވެ. އެގޮތުން އެއްވެސް ތައުލީމެއް ނެތް މީހުންނާާއި އާއިލީ މީހުންނަށް ވަޒީފާ ދިނުމާއި ބިންތައް ބޭރު މީހުންނަށް ދިނުން އެމަނިކުފާނު ފާހަގަކުރެއްވިއެވެ.