މިއަދު ފަތިހު ހިނގި މި އެކްސިޑެންޓްގައި އަނިޔާވެ ފަރުވާ ދެމުން އަންނަނީ އަންހެނަކަށެވެ. މި މީހާއަކީ ކާރުގައި އިން މީހެއްކަމަށް މަންޒަރު ދުށް މީހުން ބުނެއެވެ. އެމީހަށް އެކިވަރުގެ އަނިޔާތައް ލިވިފައިވާކަމަށް މަންޒަރު ދުށް މީހުން ބުނެއެވެ. 

މި އެކްސިޑެންޓް ހިނގާފައިވަނީ ބާރު ސްޕީޑްގައި ދުއްވާފައި ދިޔަ ކާރު ކޮންޓްރޯލު ނުވެގެން ސެންޓަރަލް ޕާކު ވަށައިގެން ހުންނަ ގަސްތަކުގައި ޖެހިގެންކަމަސް މަންޒަރު ދުށް މީހުން ބުނެއެވެ. ކާރު ޕާކު ތެރެއަށް ވިއްސައިގެން ވެއްޓިފައި އޮތީ ފުށުން ޖެހިފައެވެ. 

މަންޒަރު ދުށް މީހުން ބުނާ ގޮތުން އެކްސިޑެންޓް ވުމުން ކާރުގައި ތިބި މީހުން ވަނީ ފިލައިގެން ގޮސްފައެވެ. އެކްސިޑެންޓް ވީ ތަނުގައި މިހާރު ފުލުހުން އަންނަނީ ހަރަކާތްތެރިވަމުންނެވެ.