އުރީދޫ މޯލްޑިވްސް އިން ޓިކްޓޮކްއާއެކު ސްޓްރެޓީޖިކް ޕާޓްނާޝިޕް އެއްބަސްވުމެއްގައި ސޮއިކޮށް ރޭ އެކަން ވަނީ އިއުލާނުކޮށްފަ އެވެ.

މިއާއެކު، ރާއްޖޭގައި ޓިކްޓޮކް ބޭނުންކުރާ ފަރާތްތަކުގެ ތަޖުރިބާ އިތުރަށް ފުރިހަމަވެ އިތުރު ފުރުސަތުތައް ހުޅުވިގެންދާނެ ކަމަށް އުރީދޫއިން ބުނެއެވެ.

މި އިވެންޓުގައި ވާހަކަދައްކަވަމުން އުރީދޫ މޯލްޑިވްސްގެ ސީއީއޯ، ހާލިދު އަލް-ހަމާދީ ވިދާޅުވީ، އުރީދޫއާއި ޓިކްޓޮކްގެ މި ޕާޓްނަރޝިޕާއިއެކު ޓިކްޓޮކާއި އެކު، ކަސްޓަމަރުންނަށް ކޮންޓެންޓް އުފެއްދުމަށާއި، އެކަކު އަނެކަކާއި އޮންނަ ގުޅުން ބަދަހިކޮށް، އާކަންތައްތައް ހޯދުމުގައި އުރީދޫ ނެޓްވާރކް މެދުވެރިކޮށް އިތުރު ފުރިހަމަކަމެއް ލިބިގެންދާނެކަމަށެވެ.

އޭގެ އިތުރުން، ޓިކްޓޮކަށް ހާއްސަކޮށް ތައްޔާރުކޮށްފައިވާ ޕެކްތަކެއް ވެސް އުރީދޫއިން މި އިވެންޓުގައި ވަނީ ލޯންޗްކޮށްފަ އެވެ.

އުރީދޫއިން ބުނީ ރާއްޖޭގައި މިހާރު އުފެދިފައިވާ އަދި އުފެދެމުންދާ ކޮންޓެންޓް އުފައްދާ ފަރާތްތަކަށް މި ޕެކްތަކުގެ ސަބަބުން އިތުރު ލުއިތަކެއް ލިބިގެންދާނެކަން ޔަގީންކުރާ ކަމަށެވެ.