މީ މިދިޔަ އަހަރުގެ މި މުއްދަތުގައި މި ފަންޑަށް ޖަމާކުރި އަދަދަށްވުރެ 2.6 އިންސައްތަ އިތުރުވުމެކެވެ. މިދިޔަ އަހަރުގެ މި މުއްދަތުގައި އެ ފަންޑުގައި ހުރީ 406 މިލިއަން ރުފިޔާއެވެ،
މިދިޔަ އޭޕްރިލްމަހުގެ 18 ވަނަދުވަހުގެ ނިޔަލަށް މި ފަންޑުގައި ހުރީ 319.7 މިލިއަން ރުފިޔާއެވެ.
އެސްޑީއެފްއަކީ ބޭރުގެ ގައުމުތަކުން ދިވެހި ސަރުކާރުން ނަގާފައިވާ ލޯނުތައް ދެއްކުމަށްޓަކައި ފައިސާ ރައްކާކުރުމަށް 2017 ވަނަ އަހަރު ރައީސް ޔާމީންގެ ވެރިކަމުގައި އުފެއްދި ފަންޑެކެވެ.
ރައީސް އިބްރާހީމް މުހައްމަދު ސާލިހުގެ ސަރުކާރުގެ ވެރިކަން ނިމުނުިއރުު އެ ފަންޑުގައިި ހުރީ 2 މިލިއަން ޑޮލަރުކަމަށްް މި ސަރުކާރުން ވަނީ ބުނެފައެވެ. އަދި މި ސަރުކާރު ވެރިކަމަށް އައިތާ ދެ މަހުގެ ތެރޭގައި އެ އަދަދު 35 މިލިއަން ޑޮލަރަށް އަރާފައިވާ ކަމަށް ސަރުކާރުން ބުނިއެވެ.
އެހެންނަމަވެސް އެ ވާހަކަތައް ކުރީގެ ރައީސް އިބްރާހިމް މުހައްމަދު ސާލިހް ވަނީ ދޮގުކުރައްވާފައެވެ. ރައީސް ސާލިހް ވިދާޅުވީ އެމަނިކުފާނުގެ ވެރިކަން ނިމުނިއިރު އެސްޑީއެފް ފަންޑުގައި 32 މިލިއަން ޑޮލަރު ހުންނާނެކަމަށެވެ. އަދި އެ ފައިސާ ހުންނާނީ ބޭނުން ކޮންމެ އިރަކު ނެގޭގޮތަށް ރާއްޖޭގެ ބޭންކުތަކުގައި އިންވެސްޓްކޮށްފައިކަމަށްވެސް ވިދާޅުވިއެވެ.
