ރަސްމީ މި ދަތުރުގައި ވަޒީރު ސައީދު އެމެރިކާގެ ޗެމްބަރ އޮފް ކޮމާސްގެ މެމްބަރުންނާއި ސަރުކާރުގެ އެހެނިހެން އިދާރާތަކުގެ އޮފިޝަލުންނާއި ބައްދަލުކުރައްވާނެކަމަށް އިގްތިސާދާއި ބެހޭ ވުޒާރާއިން ބުނެއެވެ. އަދި އެމެރިކާގެ ވިޔަފާރިވެރިންނާއިވެސް ވަޒީރު ސައީދު ބައްދަލުކުރެއްވުމަށް ހަމަޖެހިފައިވާކަމަށްވެސް އެ ވުޒާރާއިން ބުނެއެވެ. 

ވުޒާރާއިން ބުނީ ވަޒީރުގެ މި ދަތުރުގެ ބޭނުމަކީ ވިޔަފާރީގެ ދާއިރާއާއި އިންވެސްޓެމެންޓް ދާއިރާގެ ގުޅުން އިތުރަށް ބަދަހިކުރުމާއި ގުޅޭ ގޮތުން މަޝްވަރާކުރުންކަމަށެވެ. 

ވަޒީރު ސައީދު ދާދި ފަހުން ވަނީ ޗައިނާއަށްވެސް ވަޑައިގެންފައެވެ. ސައީދު ޗައިނާއަށްް ވަޑައިގަތީ ވޯލްޑް އިކޮނޮމިކް ފޯރަމްގައި ބައިވެރިވެޑައިގަތުމަށެވެ.