އުރީދޫއިން މައުލޫމާތު ދޭގޮތުގައި މުބާރާތުގައި ހިމެނެނީ މަގުބޫލު ތިން އީސްޕޯޓްސް ގޭމެއް ކަމަށްވާ އީއޭއެފްސީ24، މޮބައިލް ލެޖެންޑްސް: ބޭންގް ބޭންގް (އެމްއެލްބީބީ) އަދި ޕަބްޖީ މޮބައިލް އެވެ.
އުރީދޫ ނޭޝަން އިންޓާ އޮފީސް މުބާރާތް ފެށުމަށް ހަމަޖެހިފައިވަނީ އަންނަ އޮގަސްޓް މަހުގެ 4 ވަނަ ދުވަހުކަމަށްވާއިރު މި މުބާރާތްތައް ލައިވްކޮށް ދެއްކުމަށް ހަމަޖެހިފައިވާކަމަށް އުރީދޫއިން ބުނެއެވެ.
އުރީދޫއިން ވަނީ ސަޕޯޓަރުންނާއި އެކުވެރިންނަށް އެމީހުންގެ ޓީމުތަކަށް ތާއީދުކުރުމަށް ދައުވަތު ދީފަ އެވެ. އަދި މުބާރާތުގައިރަޖިސްޓްރީވުމަށް ޝައުގުވެރިވާ ހުރިހާ ޓީމަކަށް އޮގަސްޓް 2 ވަނަ ދުވަހުގެ ކުރިން ރަޖިސްޓްރީ ކުރެވޭނެ ކަމަށް އެ ކުންފުނިން ބުނެއެވެ.
މުބާރާތުގައި ރަޖިސްޓްރީ ކުރުމަށް އުރީދޫއިން ދީފައިވާ ވެބްސައިޓަށް ޒިޔާރާތްކުރުމަށް އުރީދޫއިން އިލްތިމާސްކުރެއެވެ.
އުރީދޫ ނޭޝަން އިންޓާ އޮފީސް މުބާރާތަކީ ރާއްޖޭގައި އުފެދިފައިވާ އީސްޕޯޓްސްގެ ކޮމިއުނިޓީއަށް ހިތްވަރުދީ ކުރިއެރުވުމަށް އުރީދޫއިން ކުރަމުންދާ މަސައްކަތުގެ ދަށުން ރޭވިފައިވާ މުބާރާތެކެވެ. އެގޮތުން އެ މުބާރާތަކީ މުވައްޒަފުންގެ ގޭމިން ހުނަރު ދައްކާލައި، ޓީމްވޯކް އިތުރުކޮށް، އެކުވެރިކަން އުފެއްދުމަށް ރަގަޅު މުބާރާތެއްކަމަށް އުރީދޫއިން ބުނެ އެވެ.
