ފަތުރުވެރިންގެ ތަފާސް ހިސާބުތަކަށް ބަލާއިރު މިދިޔަ ޖުލައިމަހުގެ ރާއްޖެއަށް ފަތުރުވެރިންގެ އަދަދަކީ 167،529 އެވެ. މީ އޭގެ ކުރީގެ ޖޫން މަހާއި އަޅާކިޔާއިރު 15 އިންސައްތަ އިތުރު އަދަދެކެވެ. ޖޫންމަހު ރާއްޖެއަށް ޒިޔާރަތްކޮށްފައިވަނީ 145،620 އެވެ.
އެވްރެޖްކޮށް ދުވާލަކު 4169 ފަތުރުވެރިން ރާއްޖެއަށް ޒިޔާރަތްކުރާއިރު މިދިޔަ މަހު އެއްދުވަހެއްގެ ތެރޭގައި އެންމެ ގިނައިން ފަތުރުވެރިން އައިސްފައިވަނީ ޖުލައި މަހުގެ 27 ވަނަދުވަހުއެވެ. އެދުވަހު ރާއްޖެއަށް ވަން ފަތުރުވެރިންގެ އަދަދަކީ 6205 އެެވެ.
ފަތުރުވެރިންހެ ހިސާބުތައް ދައްކާގޮތުން މިދިޔަ މަހުވެސް އެންމެ ގިނަ ފަތުރުވެރިން އައިސްފައިވަނީ ޗައިނާއިންނެވެ. އިންޑިއާ އޮތީ ފަސް ވަނައިގައެވެ.
ޖުލައި މަހު އެންމެ ގިނައިން ފަތުރުވެރިން އައި ގައުމުތައް
- ޗައިނާ 38335
- ރަޝިޔާ 21221
- ޔޫކޭ 11435
- ޖާމަނީ 8580
- އިންޑިއާ 8152
ޓްއަރިޒަމް މިނިސްޓަރު އިބްރާހިމް ފައިސަލް ވިދާޅުވީ މި އަހަރު ނިންމާނީ ކަނޑައެޅި އަމާޒު ކަމުގައިވާ ދެ މިލިއަން ފަތުރުވެރިންނާ އެކުގައި ކަމުގައެވެ. ރާއްޖެއަށް ފަތުރުވެރިން އަންނަ ނިސްބަތަށް ބަލާއިރު، މި އަހަރު ނިމޭއިރު 2.1 މިލިއަން ނުވަތަ 2.2 މިލިއަން ފަތުރުވެރިން ޒިޔާރަތް ކުރާނެ ކަމަށް ލަފާކުރެވޭ ކަމަށް ވަޒީރުވަނީ ވިދާޅުވެފައެވެ.
