މި ޕާރޓްނަޝިޕް އާއި އެކު އުރީދޫގެ ކަސްޓަމަރުންނަށް 16 ބަހަކުން 80 މިލިއަނަށްވުރެ ގިނަ ލަވަތަކާއި، ޕޮޑްކާސްޓްތަކާއި، ހާއްސަ ކޮންޓެންޓްތައް ހިމެނޭ ޖިއޯސާވަންގެ ކެޓަލޮގަށް ފަސޭހަކަމާއެކު ސަބްސްކްރިޕްޝަން ލިބި، މުނިފޫހިފިލުވުމުގެ ތަޖުރިބާ އިތުރަށް ފުރިހަމަވެގެންދާނެކަމަށް އުރީދޫއިން ބުނެއެވެ.
އުރީދޫގެ އެންޓަޓެއިނިއާ ފަރުމާކުރެވިފައިވަނީ ތަފާތު ގިނަ ބާވަތްތަކުގެ މުނިފޫހިފިލުވުމުގެ ޕްލެޓްފޯމް ތަކުގެ ހިދުމަތް ފަސޭހަކަމާއެކު ފޯރުކޮށްދިނުމަށް ކަމަށްވާއިރު ޖިއޯސާވަން ހިމެނުމާއެކު، ރާއްޖޭގައި މިއުޒިކަށް ލޯބި ކުރާ ފަރާތްތަކަށް ތަފާތު އެކި ވައްތަރުގެ މިއުސިކް ފަސޭހަކަމާއެކު އަޑު އަހާލުމުގެ އިތުރު ފުރުސަތުތައް ފަހިވެގެންދާނެކަމަށްވެސް އުރީދޫއިން ފާހަގަކުރެ އެވެ.
ބޮޮލީވުޑް ހިޓްސްތަކާއި، ބައިނަލްއަގުވާމީ ޗާޓުތަކުގައި އެންމެ މަތީގައި ހުންނަ ލަވަތަކާއި، ސަރަހައްދީ މަގްބޫލު ލަވަތަކާއި އެކު، ޖިއޯސާވަންއިން ހުރިހާ އެންމެންނަށްވެސް އެކަށީގެންވާ ކޮންޓެންޓް ލިބެން ހުރެއެވެ. މި ޕްލެޓްފޯމް ފަރުމާކޮށްފައިވަނީ ބޭނުންކުރާ ފަރާތްތަކަށް ކަމުދާ ލަވަތައް ހިމަނާއިގެން ހާއްސަ ޕްލޭލިސްޓްތައް ހެދުމާއި، އައު އާޓިސްޓުން ދެނެގަތުމާއި، އެކި ބާވަތްތަކުގެ މިއުޒިކް އަޑުއެހުމުގެ ފުރުސަތު ފަސޭހަކަމާއެކު ލިބިގެންދާނެ ގޮތަށެވެ.
މި ޕާޓްނަޝިޕަކީ ކަސްޓަމަރުންގެ އީޖާދީ ޑިޖިޓަލް ހައްލުތަކާއި ތަފާތު ތަޖުރިބާތައް ފަހިކޮށްދިނުމަށް އުރީދޫއިން ކުރާ މަސައްކަތުގެ ތެރެއިން ވެވިފައިވާ ޕާޓްނަރޝިޕް އެކެވެ.
