އިމިގްރޭޝަނުން ބުނީ ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދިޔަ ބިދޭސީން ހޯދުމަށް އިމިގްރޭޝަނާއި ފުލުހުން ގުޅިގެން މިދިޔަ އޮގަސްޓު މަހާއި ސެޕްޓެންބަރު މަހުގައި ހާއްސަ އިންސްޕެކްޝަންތަކެއް ހިންގާފައިވާކަމަށެވެ.
މިކަމުގައި ޝާމިލްވާ ބިދޭސީ ފަސް އަންހެނުންނާއި އެޖެންޓެއްގެ ގޮތުގައި މަސައްކަތް ކުރަމުންދިޔަ ބިދޭސީ ފިރިހެނަކު މި އޮޕަރޭޝަންތަކުގައި އަތުލައިގަނެފައިވާކަމަށް އިމިގްރޭޝަނުން ބުނެއެވެ.
އަތުލައިގެން މީހުންގެ މައްސަލަތައް ތަހުގީގު ކުރުމަށްފަހު ރާއްޖެ އަނބުރާ ނާދެވޭ ގޮތަށް މީގެތެރެއިން 03 މީހަކު ޑީޕޯޓުކޮށްފައިވާކަމަށްް އިމިގްރޭޝަނުން ވަނީ ބުނެފައެވެ. އަދި ބާކީ ތިބި ތިން މީހުން ޑީޕޯޓުކުރުމުގެ މަސައްކަތް މިހާރު ކުރަމުންދާކަމަށްވެސް އިމިގްރޭޝަނުން ބުނެއެވެ.
ރާއްޖޭގައި ހަށިވިއްކަމުންދިޔަ ބިދޭސީން އަންހެނުންތަކެއް މިއަހަރުގެ އޮގަސްޓްމަހުވެސް އިމިގްރޭޝަނުން ޑީޕޯޓްކޮށްލިއެވެ.
