މި ބައްދަލު ކުރެއްވުން އޮތީ ޖެނީވާގައި ކުރިއަށްދާ އިންޓަ-ޕާލަމަންޓްރީ ޔޫނިއަން، އައިޕީޔޫގެ 149 ވަނަ އެސެމްބްލީގެ ބައްދަލުވުމުގެ ހަވާސާގެ ތެރެއިންނެވެ.
އައިޕީޔޫއަކީ ބައިނަލްއަގުވާމީ މައްސަލަތަކާ ގުޅިގެން ގަރާރުތައް ފާސްކުރާ، އެކި ގައުމުތަކުގެ ގާނޫނު ހަދާ މަޖިލިސްތައް ހިމަނައިގެން އުފައްދާފައިވާ ޔޫނިއަނެކެވެ.
"ސުލްހަވެރި އަމާން އަދި ދެމެހެއްޓެނިވި މުސްތަގުބަލެއް ބިނާކުރުމަށް ސައިންސާއި ޓެކްނޮލޮޖީ އަދި އީޖާދުގެ ބޭނުންހިފުން" ގެ މައުލޫއަށް ސްވިޒަލެންޑުގެ ޖެނީވާގައި ކުރިއަށް ގެންދާ އިންޓަ-ޕާލަމަންޓް ޔޫނިއަން (އައިޕީޔޫ) ބައްދަލުގައި މަޖިލިހުގެ ރައީސް އަބްދުއްރަހީމް ރޭ ވަނީ ތަގުރީރު ވެސް ކުރައްވައިފަ އެވެ.
މި އަހަރުގެ އައިޕީޔޫ ފަށާފައިވަނީ މެންބަރު 135 ގައުމަކުން 1،500އަށްވުރެ ގިނަ ބައިވެރިންނާ އެކުގައެވެ.
މިދިޔަ އާދިއްތައިގައި ފެށި އައިޕީޔޫ ކުރިޔަށްދާނީ އަންނަ ބުރާސްފަތީގެ ނިޔަލަށެވެ. މި ދަތުރުފުޅުގައި ރައްޔިތުންގެ މަޖިލީހުގެ ރައީސްގެ އަރިހުގައި ރައްޔިތުންގެ މަޖިލީހުގެ މާފަންނު މެދު ދާއިރާގެ މެންބަރު އަސްމާ ރަޝީދު، ހުޅުދޫ ދާއިރާގެ މެންބަރު މުހައްމަދު ޝާހިދު، ވިލިމާލެ ދާއިރާގެ މެންބަރު މުހައްމަދު އިސްމާއީލް، ފުވައްމުލަކު މެދު ދާއިރާގެ މެންބަރު އަލީ ފަޒާދު އަދި ކަނޑިތީމު ދާއިރާގެ މެންބަރު އަމީން ފައިސަލް ބައިވެރިވެވަޑައިގަންނަވަ އެވެ.
މިދިޔަ އާދިއްތައިގައި ފެށި އައިޕީޔޫ ކުރިޔަށްދާނީ މާދަމާގެ ނިޔަލަށެވެ.
