އިގްތިސާދީ އިސްލާހީ އެޖެންޑާގެ ދަށުން މުސާރައިގެ 50 ޕަސެންޓް ނުނަނަގަވާ ގޮތަށް ހަމަޖައްސަން ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިރޭ ވަނީ ނިންމަވާފަ އެވެ. އެ ނޫން ވެސް މުހިންމު ގިނަ ފިޔަވަޅުތަކެއް އެޅުއްވުމަށް ނިންމެވި އެވެ.
އަބްދުއްރަހީމް މިރޭ އެކްސްގައި ކުރެއްވި ޕޯސްޓެއްގައި ވިދާޅުވީ، އެ މަނިކުފާނުގެ މުސާރާއިން 50 ޕަސެންޓް ނުނަންގަވަން ނިންމެވީ ރާއްޖޭގެ އިގުތިސާދީ ހާލަތު ރަނގަޅު ކުރެއްވުމަށް ރައީސް ޑރ. މުހައްމަދު މުއިއްޒު އަޅުއްވަމުން ގެންދަވާ ހަރުދަނާ ފިޔަވަޅުތަކުގެ ތެރޭގައި ހިމެނޭ، ސިޔާސީ މަގާމުތަކުގައި ތިއްބެވި ބޭފުޅުންގެ މުސާރައިން 10 ޕަސެންޓް ކުޑަކުރެއްވުމަށް ނިންމެވި ނިންމެވުމަށް އެއްބާރުލުން ދެއްވުމުގެ ގޮތުން ކަމަށެވެ.
މަޖިލީހުގެ ރައީސްގެ މިހާރުގެ މުސާރައަކީ 73،125ރ. އެވެ. މި ބަދަލާ އެކު، މުސާރައިގެ ގޮތުގައި ދެން ނަންގަވާނީ 36،562.5ރ. އެވެ.
މަޖިލިސް މެންބަރުންގެ މުސާރަތައް ކަނޑައަޅަނީ މެންބަރުން އަމިއްލަފުޅަށް ކަމަށްވާއިރު، މެންބަރުންގެ މުސާރައަކީ މިހާރު ކޮމެޓީ އެލަވަންސާއެކު 82،500 ރުފިޔާއެވެ.
ރާއްޖޭގެ ދަރަނީގެ ނިސްބަތް ބޮޑުވެ ސަރުކާރުގެ ހަރަދުތައް އިތުރުވެ އިގްތިސާދީ ހާލަތު އޮތީ ނާޒުކު ފައްތަރެއް ގަ އެވެ. އެ ހާލަތު ބަދަލުކޮށް އިގްތިސާދު ދުޅަހެޔޮ ކުރުމަށް ސަރުކާރުން ދަނީ ގިނަ ފިޔަވަޅުތަކެއް އަޅަމުންނެވެ.
