ޓޫރިޒަމް މިނިސްޓްރީން ނެރުނު އެންމެ ފަހުގެ ތަފާސް ހިސާބުތަކުން ދައްކާ ގޮތުގައި އިންޑިއާ އަކީ ރާއްޖެއަށް އެންމެ ގިނަ ޓޫރިސްޓުން އަންނަ ހަ ވަނަ ގައުމެވެ.
އިންޑިއާއިން އަންނަ ޓޫރިސްޓުންގެ އަދަދު އިތުރުކުރުމަށް ސަރުކާރުން ވަނީ ގިނަ މަސައްކަތްތަކެއް ކޮށްފަ އެވެ. އޭގެ ތެރޭގައި މި އަހަރުގެ ޖުލައި މަހު "ވެލްކަމް އިންޑިއާ" ނަމުގައި އިންޑިއާގެ ތިން ސިޓީއެއްގައި ބޮޑު ހަރަކާތެއް ހިންގި އެވެ.
މީގެ އިތުރުން ރައީސް މުހައްމަދު މުއިއްޒު ވަނީ މިދިޔަ މަހު އިންޑިއާގެ ބޮލީވުޑް އިންޑަސްޓްރީގެ މައި ސިޓީ މުމްބާއީއަށް ވަޑައިގެން ޓޫރިޒަމްގެ ހާއްސަ ހަރަކާތެއްގައި ބައިވެރިވެވަޑައިގެންފަ އެވެ. މި ހަރަކާތުގެ ނަތީޖާ މިހާރު ވެސް ވަނީ ފެންނަން ފަށާފަ އެވެ. އެގޮތުން އިންޑިއާގެ މަޝްހޫރު އެތައް ފަންނާނުންނެއް މިހާރު ވެސް ދަނީ ރާއްޖޭގައި ޗުއްޓީ ހޭދަކުރަމުންނެވެ.
މިދިޔަ އަހަރު ނިމުނު އިރު ރާއްޖެއަށް އެންމެ ގިނައިން ޓޫރިސްޓުން ޒިޔާރަތްކުރި ގައުމަކީ އިންޑިއާ އެވެ. އެ އަހަރު އިންޑިއާއިން ރާއްޖެއަށް 200،000 އަށް ވުރެ ގިނަ ޓޫރިސްޓުން އައިސްފައިވެ އެވެ.
