އެޗްޑީސީން ބުނީ މެދުކެނޑުމަކަށްފަހު ރަސްމާލެ ސަރަހައްދު "އޭރިއާ އެފް" މިއަދު އަނެއްކާވެސް ހިންކަން ފަށާ މަސައްކަތް ކުރިއަށް ދާކަމަށެވެ.
ރަސްމާލޭ ހިއްކުމުގެ މަސައްކަތް ވަނީ މީގެ ކުރިންވެސް މެދުކެނޑިފައެވެ. އެގޮތުން މި މަޝްރޫއު ކުރިއަށް ގެންދަން ކުރިމަތިވި އެންމެ ބޮޑު ގޮންޖެހުމަކީ މި އަހަރަށް ލަފާކުރި ބަޖެޓުގައި ރަސްމާލެ މަޝްރޫއަށް ހިމަނަން އެދުނު ފައިސާ އުނިކުރުން ކަމުގައި ސަރުކާރުން ބުނެ އެވެ.
ރަސްމާލެ"ގެ ނަމުގައި ފުށިދިއްގަރުފަޅު ތަރައްގީކުރަން ނިންމައި ސްރީ ލަންކާގެ ކެޕިޓަލް މެރިން އެންޑް ސިވިލް ކޮންސްޓްރަކްޝަން (ސީއެމްސީ)އާ ގުޅިގެން އެ ތަން ހިއްކަން ފެށީ 18 ޑިސެމްބަރުގަ އެވެ. އަދި 8 މަސްދުވަސް ތެރޭގައި ނިންމާމެނަކަމަށް މިނިސްޓްރީން ބުނެފައިވާނަަމަވެސް އެ މަސައްކަތް ފެށިތާ ގިނަ ދުވަސްތަކެއް ނުވަނީސް ހުއްޓުނު ގޮތަށް މަސައްކަތް މަޑުޖެހެމުން އަ އެވެ.
ރަސްމާލޭ ހިއްކުން ކުރިއަށް ދަނީ ފޮޓޯ: އެޗްޑީސީ
ލަސްތަކާއި މަޑުޖެހުންތަށް ގިނަވެ، މަސައްކަތް ތާވަލާ އެއްގޮތަށް ނުދިއުމުން ސަރުކާރުން ދެން އެ މަޝްރޫއު ހަވާލުކުރީ އެޗްޑިސީ އަށެވެ. އެޗްޑީސީ އިން ރަސްމާލެ ޕްރޮޖެކްޓް ހަވާލުކޮށްފައިވަނީ މޯހަން މުތާ އެކްސްޕޯޓާއި ޗައިނާގެ ޗައިނާ ރެއިލްވޭ ކޮންސްޓްރަކްޝަން ކޮމްޕެނީއާއެވެ. އަދި އެޗްޑީސީން މި މަޝްރޫއު ހިންގުމަށް ފައިސާ ހޯދާނެ ގޮތެއް އަދި ރަސްމީކޮށް ހާމަކޮށްފައި ނުވިނަމަވެސް، މައުލޫމާތު ލިބޭ ގޮތުގައި މި މަސައްކަތް ކުރިއަށް ގެންދަނީ ލޯނެއް ނަގައިގެންނެވެ.
މި މަޝްރޫއުގެ ދަށުން މިހާތަނަށް ހިއްކާ ނިމިފައިވަނީ 29 ހެކްޓަރުގެ ސައިޓު ޖޭ އެވެ.
ކ. ގުޅީ ކައިރީގައި އޮންނަ ފުށިދިއްގަރު ފަޅުން 1،153 ހެކްޓަރުގެ ބިން ހިއްކާނެ ކަމަށާއި މަސައްކަތް ތާވަލާ އެއްގޮތަށް ދާ ނަމަ، އަށް މަސް ތެރޭ ހިއްކައި ނިމޭނެ ކަމަށް ރައީސް މުއިއްޒު ވަނީ ކުރިން ވިދާޅުވެފަ އެވެ. އަދި މާލެއިން ފުރައިގެން 17 ވަރަކަށް މިނެޓުން ދެވޭ ރަސްމާލެ އާއި މާލެ ގުޅާލާނީ ކަނޑުއަޑީގެ ޓަނަލް އަކުން ކަމަށް ވެސް ރައީސް މުހައްމަދު މުއިއްޒު މިފަހުން ވަނީ ވިދާޅުވެފަ އެވެ.
