ފިނޭންސް މިނިސްޓްރީން މިއަދު ހާމަކުރި މައުލޫމާތުގައިވާ ގޮތުން، އަންނަ އަހަރަށް ލަފާކުރާ ބަޖެޓުގައި ޕީއެސްއައިޕީގެ ދަށުން ޖުމުލަ 695 މަޝްރޫއު ހިންގުމަށް 12.4 ބިލިއަން ރުފިޔާ ވަނީ ކަނޑައަޅާފަ އެވެ. މީގެ ތެރެއިން އެންމެ ބޮޑު އަދަދެއް ކަނޑައަޅާފައިވަނީ ސިއްހީ ދާއިރާގެ މަޝްރޫއުތަކަށެވެ.
ބަޖެޓުގައި ތައުލީމީ ދާއިރާގެ މަޝްރޫއުތަކަށް 6.1 ބިލިއަން ރުފިޔާ ކަނޑައަޅާފައިވާއިރު، ބޯހިޔާވަހިކަމުގެ މަޝްރޫއުތަކަށް މުޅި ޕީއެސްއައިޕީ ބަޖެޓުގެ 14.6 ޕަސަންޓު ވަނީ ހިމަނާފަ އެވެ.
މީގެ އިތުރުން ތިމާވެށި ރައްކާތެރިކުރުމަށް 2.3 ބިލިއަން ރުފިޔާ ކަނޑައަޅާފައިވާއިރު، އިޖުތިމާއީ އަދި ދީނީ ހިދުމަތްތަކަށް 1.1 ބިލިއަން ރުފިޔާ ވަނީ ކަނޑައަޅާފަ އެވެ. އަދި އިޖުތިމާއީ ރައްކާތެރިކަމުގެ މަޝްރޫއުތަކަށް 3.9 ބިލިއަން ރުފިޔާވެސް ވަނީ ހިމަނާފަ އެވެ.
ޕީއެސްއައިޕީ ބަޖެޓުގެ މުހިންމު ބައިތައް:
- ޕީއެސްއައިޕީ ބަޖެޓުގެ ޖުމުލަ އަދަދަކީ 12.4 ބިލިއަން ރުފިޔާ
- ސިއްހީ ދާއިރާއަށް 8.2 ބިލިއަން ރުފިޔާ
- ތައުލީމީ ދާއިރާއަށް 6.1 ބިލިއަން ރުފިޔާ
- ބޯހިޔާވަހިކަމުގެ މަޝްރޫއުތަކަށް 14.6 ޕަސަންޓު
- ޖުމުލަ 695 މަޝްރޫއު ހިންގުމަށް ރޭވިފައިވޭ
