Advertisement

ދޯހާ މެރެތަން 2025 އަށް އުރީދޫއިން ވަނީ 2 ނަސީބުވެރި ފަރާތް ހޮވާފައެވެ.

އެކަމަށް ހުރިހާ ހަރަދެއް ދައްކާފައިވާއިރު، ދޯހާ މެރެތަން 2025 ގައި ބައިވެރިވުމަށް ގުރުއަތުން ހޮވުނު 2 ނަސީބުވެރިންނަކީ މުހައްމަދު އަޒްހާދު އަހުމަދާއި ތޯރިގު މުހައްމަދު ކަމަށް އުރީދޫއިން ބުނެއެވެ.

އުރީދޫއިން އެކުލަވާލި ލަކީ ޑްރޯގައި ބައިވެރިވުމުގެ ޝަރުތުތައް:

• މަދުވެގެން އެއް އަހަރު ދުވަހުގެ މުއްދަތަށް، 1 އޮކްޓޯބަރ 2023 އިން ފެށިގެން އުރީދޫ މޯލްޑިވްސްގެ ކަސްޓަމަރަކަށް ވެފައިވުން
• އުރީދޫގެ ދޯހާ މެރެތަންގައި ހާފް މެރެތަން ނުވަތަ ފުލް މެރެތަން ދުވަން ތައްޔާރަށް ހުރި އަދި، ފިޓް މީހަކަށް ވާންޖެހޭނެ، މީގެ ކުރިން ހާފް މެރެތަން، ފުލް މެރެތަން ކާމިޔާބުކަމާއެކު ފުރިހަަމަކޮށްފައިވާ މީހަކަށް ވުން
• ސައްހަ ދިވެހި ޕާސްޕޯޓެއް އޮންނަންވާނެ، ގަތަރަށް އެތެރެވުމަށް ބޭނުންވާ ހުރިހާ ޝަރުތުތަކެއް ފުރިހަމަކޮށްފައިވުން
• ގުރުއަތުލުން ބޭއްވީ 26 ނޮވެމްބަރު 2024 ވަނަ ދުވަހުގެ 23:59 ގެ ކުރިން ސޮއިކުރާ ފަރާތްތަކުގެ މެދުގައި

މެރަތަން އާ ބޭހޭ އިތުރު މައުލޫމާތު ހޯދުމަށް https://www.dohamarathonooredoo.com/ ޒިޔާރާތްކުރުމަށް އުރީދޫއިން އެދެއެވެ.

ގަތަރުގެ ވެރިރަށް ދޯހާގަައި  މެރަތަން ބޭއްވުމަށް ހަަމަޖެހިފައިވަނީ އަންނަ އަހަރު، ޖެނުއަރީ މަހުގެ 17 ގައެވެ. މިއީ ބައިނަލްއަގުވާމީ މި ޝަރަފުވެރި ދުވުމުގައި އުރީދޫ މޯލްޑިވްސް އިން ކަސްޓަމަރުން ފޮނުވާ ދެވަނަ ފަހަރު ކަމުގައި  އެ ކުންފުނިން ފާހަގަކުރެއެވެ.