މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބުނީ މިހާރު ޖުމުލަ ރިޒާވް 744.25 މިލިއަން ޑޮލަރަށް އަރާފައިވާ ކަމަށެވެ. އަދި ބޭނުންކުރެވޭ ރިޒާވް 46.25 މިލިއަން ޑޮލަރަށް އިތުރުވެފައިވާ ކަމަށެވެ.
އެމްއެމްއޭ އިން އިންޑިއާގެ ރިޒާވް ބޭންކާއެކު ވަނީ 400 މިލިއަން ޑޮލަރުގެ ކަރަންސީ ސްވޮޕުގެ އިތުރުން 30 ބިލިއަން ރުޕީސްގެ ކަރަންސީ ސްވޮޕެއްވެސް ހަދާފަ އެވެ. މިއީ ދެ ގައުމުގެ މެދުގައި ދެ ގައުމުގެ ފައިސާއިން ވިޔަފާރިކުރުމަށް މަގުފަހިކުރަން ހަދާފައިވާ ކަރަންސީ ސްވޮޕެކެވެ.
އެމްއެމްއޭ އިން ބުނީ ކަރަންސީ ސްވޮޕުގެ އިތުރުން ރިޒާވްއަށް އޮތް ފިއްތުން ވަގުތީ ގޮތުން ކުޑަވި ނަމަވެސް، ރެގިއުލޭޓަރީ އޮނިގަނޑަށް ގެނައި ބަދަލުތަކުގެ ތެރެއިން ބޭންކުތަކަށް ޓޫރިޒަމް ވިޔަފާރިތަކަށް ލިބޭ ބޭރު ފައިސާއިން މާރުކުރާ މިންވަރުގެ ތެރެއިން އެމްއެމްއޭއަށް ލިބޭ ފައިސާއާއެކު ރިޒާވްއަށް ދާއިމީ ހައްލެއް ލިބޭނެ ކަމަށެވެ.
- ޖުމުލަ ރިޒާވް 744.25 މިލިއަން ޑޮލަރު
- ބޭނުންކުރެވޭ ރިޒާވް 46.25 މިލިއަން ޑޮލަރު
- އިންޑިއާއާއެކު 400 މިލިއަން ޑޮލަރުގެ ކަރަންސީ ސްވޮޕެއް ހަދާފައިވޭ
- އިތުރު 30 ބިލިއަން ރުޕީސްގެ ކަރަންސީ ސްވޮޕެއްވެސް ހަދާފައިވޭ
- ޓޫރިޒަމް ވިޔަފާރިތަކުން ލިބޭ ބޭރު ފައިސާއިން ދާއިމީ ހައްލެއް ލިބޭނެކަމަށް އެމްއެމްއޭއިން ބުނެފައިވޭ
