ބްރޯޑްކޮމަށް އައްޔަން ކުރަން ރައީސް ޑރ މުިއއްޒު މަޖިލިހަށް ނަން ފޮނުވުމުގައި އެންމެ އިސްކަން ދެއްވާފައިވަނީ ކުރީގެ މެންބަރު މުހައްމަދު އަބްދުﷲ އާއި ރައީސް ޔާމީންގެ ތަރުޖަމާނުކަންކުރެއްވި އިބްރާހީމް މުއާޒްއަށެވެ.
މި ދެ ބޭފުޅުންނަކީވެސް ސިޔާސީ އެކްޓިވިސްޓުންގެ ގޮތުގައި މަަސައްކަތް ކުރައްވާފައިވާ ދެ ބޭފުޅުންނެވެ.
މުހައްމަދު އަބްދުﷲ އާއި އިބްރާހީމް މުއާޒުގެ ނަން ފޮނުވުމުން އެމްޑީޕީގެ ޕާލިމަންޓްރީ ގްރޫޕުން މިއަދު ހަވީރު މަޖިލީހުގެ އިދާރާގައި ބޭއްވި ނޫސްވެރިންގެ ބައްދަލުމެއްގައި ވަނީ ރައީސް މުއިއްޒުގެ މި ނިންމެވުމަށް ވަރަށް ބޮޑަށް ފާޑުކިޔާފައެވެ.
އެމްޑީޕީން ބުނީ މީ ކިޔަވައިގެން ތިބި ޒުވާނުންނަށް ރައިސް ޑރ. މުއިއްޒު ދެެއްވި ވަރަށް ނުބައި މެސެޖެއްކަމަށެވެ. އަދި ރައީސްގެ އެ ނިންމެވުމުން ރާއްޖޭގެ ޒުވާނުން ތައުލީމެއް ނުވަތަ ތަމްރީނެއް ހާސިލްކޮށް، ތަޖުރިބާ ހޯދުމުގެ މާނައެއް ނެތްކަމަށްވެސް އެމްޑީޕީން ބުނިއެވެ. މަތީ މަގާމެއް ހޯދުމަށް ރާއްޖޭގައި ކުރަން ޖެހޭކަމަކީ ހަމައެކަނި އެ އިރެއްގައި ހުންނަ ރައީސެއް ނުވަތަ ވެރިކަން ކުރާ ޕާޓީއަކާ ގާތް ގުޅުމެއް ބޭއްވުންކަމަށްވެސް އެމްޑީޕީން ބުނެއެވެ.
