ads
އާސަންދަ އޮފީސް——ފޮޓޯ: އާސަންދަ
އާސަންދަ އާއި ސަބްސިޑީގެ ހަރަދު ދަށަށް
ދައުލަތުގެ މާލީ ހިސާބުތަކުން ދައްކާ ގޮތުގައި އާސަންދަ އާއި ސަބްސިޑީގެ ހަރަދު މިދިޔަ އަހަރާ އަޅާބަލާއިރު މި އަހަރު ވަނީ ދަށްވެފަ އެވެ.
Advertisement

މިއީ ސަރުކާރުން އަޅަމުންދާ އިސްލާހީ ފިޔަވަޅުތަކުގެ ނަތީޖާއެއް ކަމަށް ފިނޭންސް މިނިސްޓްރީން ބުނެ އެވެ.

ފިނޭންސް މިނިސްޓްރީގެ ތަފާސް ހިސާބުތަކުން ދައްކާ ގޮތުން މި އަހަރު އާސަންދައަށް ހަރަދުކުރި 1.88 ބިލިއަން ރުފިޔާއަކީ މިދިޔަ އަހަރާ އަޅާބަލާއިރު 101 މިލިއަން ރުފިޔާ މަދު އަދަދެކެވެ. އަދި ސަބްސިޑީގެ ހަރަދު ވެސް ވަނީ 233 މިލިއަން ރުފިޔާއަށް ދަށްވެފަ އެވެ.

ސަރުކާރުން މިހާރު ވަނީ އާސަންދަ އާއި ސަބްސިޑީގެ ނިޒާމަށް ބޮޑެތި ބަދަލުތަކެއް ގެނެސްފަ އެވެ. މީގެ ތެރޭގައި 250 ބޭހެއްގެ އަގު ކޮންޓްރޯލްކުރުމާއި، އެސްޓީއޯ މެދުވެރިކޮށް ގަނޑުކޮށް ބޭސް ގެނައުމުގެ ނިޒާމެއް ތައާރަފުކުރުން ހިމެނެ އެވެ.

އަންނަ އަހަރުން ފެށިގެން މުއްސަނދިންގެ އަތުން އާސަންދައަށް ޕްރީޕޭއެއް ނެގުމަށް ވަނީ ނިންމައިފަ އެވެ. އަދި ސަބްސިޑީ ދިނުމުގެ ނިޒާމު ޓާގެޓަޑް ސިސްޓަމަކަށް ބަދަލުކޮށް، އެންމެ ފަގީރު އާބާދީގެ 20 ޕަސަންޓަށް މަހަކު 2،450 ރުފިޔާ ދިނުމަށް ވެސް ވަނީ ނިންމައިފަ އެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް