މިއީ 17 ނޮވެމްބަރު 2023 އިން 28 ޑިސެމްބަރު 2024 އާ ދެމެދު ދޫކުރެވުނު ފައިސާއެވެ. މިފްކޯއިން ދިން މައުލޫމާތުގައި، މި މުއްދަތުގެ ތެރޭގައި 55،925 މެޓްރިކް ޓަނުގެ މަސް ގަނެފައިވާކަމަށް ބުނެފައިވެއެވެ. އަދި މިހާރު އޮޑިވެރިންނަށް ފައިސާ ދޫކުރަމުންދަނީ މަސް ކިރާތާ 48 ގަޑިއިރުގެ ތެރޭގައި ކަމަށްވެސް ބުނެފައިވެއެވެ.
މި ސަރުކާރު ވެރިކަމާ ހަވާލުވިއިރު، އޮޑިވެރިންނަށް ދޭންޖެހޭ 230 މިލިޔަން ރުފިޔާގެ ދަރަނި އޮތްކަމަށާއި، އެ ދަރަނި މިހާރު ވަނީ އެއްކޮށް ސާފުކޮށްފައިކަމަށް މިފްކޯއިން ބުނެފައިވެއެވެ. މި މަސައްކަތުގައި ބޭންކް އޮފް މޯލްޑިވްސްއާއި، ފިނޭންސް މިނިސްޓްރީ އަދި މަސްވެރިކަމާ ބެހޭ މިނިސްޓްރީގެ އެއްބާރުލުން ލިބެމުންދާކަމަށްވެސް ފާހަގަކޮށްފައިވެއެވެ.
މަސްވެރިކަމުގެ ސިނާއަތު ކުރިއެރުވުމަށް ސަރުކާރުން ގިނަ މަސައްކަތްތަކެއް ކުރަމުންދާކަމަށާއި، ކުރިމަތިވެފައިވާ ގިނަ މައްސަލަތަކަށް އަންނަ ތިން އަހަރުގެ ތެރޭގައި ހައްލު ހޯދައިދޭނެކަމަށް މަސްވެރިކަމާބެހޭ މިނިސްޓްރީން ބުނެފައިވެއެވެ.
- 55،925 މެޓްރިކް ޓަނުގެ މަސް ގަނެފައިވޭ
- މަސް ކިރާތާ 48 ގަޑިއިރުގެ ތެރޭގައި ފައިސާ ދޫކުރޭ
- ކުރީގެ 230 މިލިޔަން ރުފިޔާގެ ދަރަނި ސާފުކޮށްފި
- މަސްވެރިކަމުގެ މައްސަލަތަކަށް 3 އަހަރުގެ ތެރޭގައި ހައްލު ހޯދައިދޭން މަސައްކަތްކުރޭ
