ރައީސް މިހެން ވިދާޅުވެފައި ވަނީ، ހއ. އަތޮޅުގެ ރަށްތަކަށް ކުރައްވަމުން ގެންދަވާ ދަތުރުފުޅުގައި ދިއްދޫއަށް ވަޑައިގެން އެރަށު ރައްޔިތުންނާއި ބައްދަލު ކުރައްވާ ވާހަކަފުޅު ދައްކަވަމުންނެވެ.
ރައީސް ވިދާޅުވީ، މިހާރު މިރަށުގައި ހުރި ހޮސްޕިޓަލަކީ މި ރަށުގެ އާބާދީގެ ހޮސްޕިޓަލެއް ނޫން ކަމަށެވެ. މި އަތޮޅާއި ސަރަހައްދުގެ އެތައް ބަޔަކު ބޭނުން ކުރަމުންދާނެ ހޮސްޕިޓަލެއް ކަމަށް ރައީސް ވިދާޅުވި އެވެ.
މިރަށު ހޮސްޕިޓަލުގެ ހިދުމަތް އިތުރުކުރުމަށްޓަކައި ހޮސްޕިޓަލްގެ އައު އިމާރާތެއް އަޅަން ޖެހޭ ކަމަށާއި، އެތަނުގައި އެކިއެކި ހިދުމަތްތައް ހުންނަން ޖެހޭނެ ކަމަށްވެސް ރައީސް ވިދާޅުވި އެވެ.
ރައީސް ވިދާޅުވީ، ދެން ވެސް ހުންނަ މުހިންމު ސިއްހީ ހިދުމަތްތައް ދެވޭ ފަރުވާތައް ދެވޭ ފެންވަރަކަށް ގާއިމް ކުރެވެގެންދާ ހޮސްޕިޓަލެއް އަޅައިދެއްވާނެ ކަމަށެވެ.
މާލެ ސަރަހައްދު ގޮތަށް، އެންމެ އުތުރާއި ދެކުނު އަދި ރާއްޖެގެ ހަތް ސަރަހައްދެއްގައި ވެސް ކަންކަން ހުންނަން ޖެހޭނީ އެންމެ ފުރިހަމައަށް، ހުރިހާ ހިދުމަތެއް ލިބޭ ގޮތަށް ގާއިމް ކުރެވިފައި ކަމަށްވެސް ރައީސް ވިދާޅުވި އެވެ.
