މިކަމާއި ގުޅިގެން ފުލުހުން ބުނީ ރޭ ހައްޔަރު ކޮށްފައިވަނީ "މާފަންނު ރޫބީ" ކ.މާލެ ހުސައިން ނިޔާޒް (36) ކަމަށެވެ. އަދި މި މައްސަލަ ފުލުހުން ދަނީ އިތުރަށް ތަހުގީގު ކުރަމުން ކަމަށެވެ.
މިކަމާއި ގުޅިގެން ސީއެން އެމް އިން ސްޓެލްކޯގެ މީޑިޔާ އޮފިޝަލާ ގުޅުމުން އޭނާ ބުނީ މާލޭގައި ހުންނަ ސަބް ސްޓޭޝަން ތަކުން ވައްކަން ކުރާން އުޅޭ މީހުން މަދު ނަމަވެސް ހުޅުމާލޭގައި މިކަން ވަނީ ވަރަށް ބޮޑުވެފައި ކަމަށެވެ. އެއީ އެ ސްޓޭޝަން ތަކުގައި އަދި ސީސީޓީވީ ހަރުކުރެވިފަ ނުވާތީ ކަމަށެވެ.
ޓްރާންސް ފޮމަރު ތަކުން ވައްކަން ކުރުމުގެ ތެރޭގައި ކަރަންޓުގައި ޖެހިގެން ގިނަ އަދަދެއްގެ މަރުގެ ހާދިސާ ތައްވެސް ހިނގާފައި ވެއެވެ. އަދި މިފަހުން ވަނީ ޓްރާންސް ފޯމަރަކުން ވައްކަން ކުރަން އުޅުނު މީހެއް ހުއްޓުވި ސްޓެލްކޯގެ މުވައްޒަފަކަށް އެކަމުގެ އަގު ވަޒަންކޮށް އެވޯޑުވެސް ދީފައެވެ.
ސްޓެލްކޯގެ ޓްރާންސް ފޯމަރުތަކުން ކޭބަލް ނަރު ނަގައިގެން ވިއްކާ މައްސަލަ އަކީ ޒަމާވީ މައްސަލައަކަށް ވިޔަސް އަދިވެސް އެ މައްސަލައަށް އެދެވޭ ހައްލެއް ހޯދިފައެއް ނުވެއެވެ.
