ads
ހެންވޭރު ސަހަރާ. ފޮޓޯ؛ ރާއްޖެއެމްވީ
ހެންވޭރު ސަަހަރާގެ ބައެއްވެސް ކޮނެ ގަބުރުތައް ނަގަނީ
ހެންވޭރު ސަަހަރާގެ ބައެއްވެސް ކޮނެ މިނިކަށިތައް ނަގެުމުގެ މަސައްކަތް ކުރާ ބަޔަކު ހޯދުމުގެ މަސައްކަތް މާލޭ ސިޓީ ކައުންސިލުން ފަށަށައިފިއެވެ.
Advertisement

މާލެ ސިޓީ ކައުންސިލުން ބުނީ އެ ކައުންސިލްގެ ބެލުމުގެ ދަށުގައިވާ، ހެންވޭރު ސަހަރާގެ މަގުމަތީފާރު ނެގުމައި، ސަހަރާއިން ބައެއް ސާފުކޮށް ލޭންޑްސްކޭޕްކުރުމުގެ މަސައްކަތް ކުރަން ބޭނުންވާކަމަށެވެ. 

އެގޮތުން ބޭރު ފާރުން 546 ފޫޓް ތަޅާލަން ވަނީ ނިންމާފައެވެ. އަދި ގަބުރުސްތާނުން 23،400 އަކަފޫޓްގެ ސަރަހައްދެއް 2.4 ފުން މިނަކަށް ކޮނެ އެތަނުގައި ހުރި މިނިކަށިތައް ފުރާނައިގެން ނަގާ އިސްލާމިކް މިނިސްޓްރީން ކަނޑައަޅާފައިވާ އުސޫލާއި އެއްގޮތަށް އެތަކެތި ނައްތާލުމަށް ވަނީ ނިންމާފައެވެ. އަދި އެތަނަުނ ްނަގާ ވެލި ގެންގޮސް ހުޅުމާލޭ ސަހަރާއަށް އަޅަންވެސް ވަނީ އެދިފައެވެ. މީގެއިތުރުން ސަހަރާއިން ކަނޑަންޖެހޭ 23 ގަހެއް ކަނދާ އެހެންތަނެއްގައި އިންދުމަށްވެސް ކައުންސިލުން ވަނީ އެދިފައެެވެ. 

މި މަސައްކަތްތައް ކޮށްދޭން އެދޭ ފަރާތްތަކުން އެކަމަށް ޕްރޮޕޯޒަލް ހުށައެޅުމަށް ކައުންސިލުން ވަނީ ފުރުސަތު ހުޅުވާލާފައެވެ. ޕްރޮޕޯޒަލް ހުށައެޅުމުގެ އެންމެ ފަހު ތާރީހަކީ އަންނަ ބުރާސްފަތި ދުވަސްކަމަށް ކައުންސިލުން ބުނެއެވެ. 

މާލޭގެ ޕާކިން މައްސަލަ ހައްލުކުރުމަށް ޕާކިން އޭރިޔާ ހެދުމަށް މައްޗަންގޮޅި ސަހަރާގެ ކަންމަތިން  އެއްބަޔާއި، ގަލޮޅު، މާފަންނު އަދި ހެންވޭރު ސަހަރާގެ ބައެއް ނަގާ އެ މަސައްކަތް ކުރާނެކަމަށް މާލޭ ސިޓީ މޭޔަރު އާޒިމް ވަނީ ކުރިން ވިދާޅުވެފައެވެ. އެގޮތުން މާފަންނު ސަހަރާއިން ބައެއް ނަގައި އެތަން ކޮނެ ސާފުކުރުމުގެ މަސައްކަތް އަންނަނީ ކުރަމުންނެވެ. މީގެއިތުރުން ގަލޮޅު ސަހަރާއިންވެސް ބައެއް ކޮނެ މިނިކަށިތައް ނަގާ ދާދި ފަހުން ވަނީ ސާފުކޮށްފައެވެ. 

ބައު ޖަމާލުއްދީން ބިމުން ބައެއްގައި އަންޑާ ގްރައުންޑް ޕާކިން ފެސިލިޓީ ހަދަން ނިންމާ އެކަން ސަރުކާރުގެ ހަފްތާގައި 14 ގައި ވަނީ އިއުލާންކޮށްފައެވެ. އަދި އެކަމުގެ ޕްލޭން އާއްމުނަނަށް ވަނީ ހިއްސާވެސްކޮށްފައެވެ. އެހެންނަމަވެސް މި މަސައްކަތް އަދި ފަށާފައެއް ނުވެއެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް