ads
ޑިވެލޮޕްމަންޓް ބޭންކް ޑިރެކްޓަރުން ބޯޑުގެ މެންބަރު ކަމުގެ މަގާމަށް ބޭފުޅެއް އައްޔަނުކޮއްފި
ޑިވެލޮޕްމަންޓް ބޭންކް ޑިރެކްޓަރުންގެ ބޯޑުގެ މެންބަރަކު އައްޔަނުކޮއްފި
ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑްގެ ޑިރެކްޓަރުންގެ ބޯޑުގެ މެންބަރު ކަމުގެ މަގާމަށް ބޭފުޅަކު އައްޔަނުކޮއްފިއެވެ.
Advertisement

ޕްރައިވަޓައިޒޭޝަން އެންޑް ކޯޕަރަޓައިޒޭޝަންގެ ބޯޑް(ޕީސީބީ) ން ބުނީ އެ ބޯޑަށް މެންބަރަކު މިއަދު އައްޔަނު ކުރައްވާފައިވާ ކަމަށެވެ. ބޯޑަށް އައްޔަނު ކުރެއްވީ ދިވެހި ބޭފުޅެކެވެ. އެއީ އަބްދުﷲ ލީމާން ޒާހިރު، މއ ގުލްޝަންކިނާރާއެވެ. 

މޯލްޑިވްސް ޑިވެލޮޕްމެންޓް ބޭންކުގެ ސީއީއޯއަކަށް އިނގިރޭސި ރައްޔިތެއް އަދި ޗެއާޕާސަނަކަށް ސިންގަޕޫރުގެ ރައްޔިތަކު ވަނީ އައްޔަނު ކޮއްފައެވެ. އެއީ:

  • ސައީދު އަބްދުއްނާސިރު ބިން ސައީދު ހަސަން އަލް ޖުނެއިދު - ސިންގަޕޫރު
  •  ރޮބަޓް ޑުނިއެލް ކާންޓް - އިނގިރޭސިވިލާތް 

މި ދެ ބޭފުޅުންނަކީވެސް ބައިނަލްއަގްވާމީ މާލީ އެކި އިދާރާތަކުގައި ކުރިން މަސައްކަތް ކުރައްވާފައިވާ ތަޖުރިބާކާރު ދެ ބޭފުޅުންނެވެ.

ރާއްޖޭގައި ފުރަތަމަ ފަހަރަށް އުފެއްދި ޑިވެލޮޕްމެންޓު ބޭންކުގެ ސީއީއޯގެ މަގާމަށް އައްޔަންކުރި ނޮއެލް ވަނީ އޮކްސްފޯޑު ޔުނިވާސިޓީން މާލީ ދާއިރާ އިން މަތީ ތައުލީމު ހާސިލް ކުރައްވާފައެވެ. އޭނާވަނީ ސްޓާލިން ވޯޓަފޯޑް ސެކިއުރިޓީސްގެ ސީއީއޯގެ މަގާމު 2004 އިން 2013 ވަނަ އަހަރަށް ފުރުއްވާފައެވެ. ނޮއެލް އެންމެ ފަހުން ހުންނެވީ ސައުދީ އަރަބިއްޔާގެ ނެޝަނަލް އިންސްފްރާސްޓްރަކްޗާ ފަންޑުގެ ޗީފް އިންވެސްޓްމެންޓް އޮފިސަރުގެ މަގާމުގަ އެވެ. އަދި 2013 އިން 2016 އަށް އިނގިރޭސި ވިލާތުގެ ޔޫކޭ ގްރީން އިންވެސްޓްމެންޓް ބޭންކުގެ މެނޭޖިން ޑިރެކްޓަރުގެ މަގާމުގައި ވެސް ހުންނެވި އެވެ. 

ޑިވެލޮޕްމަންޓު ބޭންކުގެ ޗެއާޕާސަންގެ މަގާމަށް އައްޔަންކުރެއްވި ގުނެތިލަކަ އެންމެ ފަހުން އޭނާ ހުންނެވީ ލަންކާގެ ހެޓަން ނެޝަނަލް ބޭންކްގެ ޗެއާޕާސަންގެ މަގާމުގައެވެ. 2016 އިން 2021 ގެ ނިޔަލަށް ގުނެތިލަކަ ހުންނެވީ ލަންކާގެ ޕީޕަލްސް ބޭންކްގެ ހެޑް އޮފް ކޯޕަރޭޓް ބޭންކިންގެ މަގާމުގަ އެވެ. 25 އަހަރު ފައިނޭންޝަލް ސެކްޓަރުގައި ހޭދަކުރައްވާފައިވާ ގުނެތިލަކަ ވަނީ ސިންގަޕޫރުގެ ސްޓޭންޑަޑް ޗާޓަޑް ބޭންކްގައި ވެސް މަސައްކަތް ކުރައްވާފައެވެ. 

ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑްގެ ރަޖިސްޓްރީ ކުރެވިފައިވާ އެޑްރެހަކީ މިނިސްޓްރީ އޮފް ފިނޭންސް، އަމީނީމަގު، 20379، މާލެ، ދިވެހިރާއްޖެ އެވެ. މި ބޭންކަކީ ސައްތައިންސައްތަ ސަރުކާރު ކުންފުންޏެކެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް