އެމްޑީޕީން މިއަދު ބޭއްވި ނޫސްވެރިންގެ ބައްދަލުވުމުގައި އެމްޑީޕީގެ ޕާލިމެންޓްރީ ގްރޫޕުގެ ލީޑަރު، ހިތަދޫ ދެކުނު ދާއިރާގެ މެންބަރު އިބްރާހީމް ނާޒިލް ވިދާޅުވީ އަމީންގެ އިތުބާރު ނެތް ކަމުގެ މައްސަލަ ވެއްދީ އެމްޑީޕީގެ ޕާލިމެންޓްރީ ގްރޫޕުގެ 12 މެންބަރުންގެ ސޮޔާ އެކު ކަމަށެވެ.
އެމްޑީޕީން ހުށައެޅި މައްސަލަގައި ފާހަގަކޮށްފައިވާ ކަންކަމުގެ ތެރޭގައި ފުލުހުން އަމީންގެ ގެ ފާސްކުރަމުން ދިޔަ ވަގުތު އަމީން އޭރުގެ ޕޮލިސް ކޮމިޝަނަރު އަލީ ޝުޖާއަށް ފޯނުން ގުޅުއްވުން ވަނީ ފާހަގަކޮށްފައެވެ މީގެއިތުރިން ސީސީޓީވީ ކެމެރާ އެ ގޭގައި ހަލާކުވެފައިވާ ކަމަށް ބުނެ ސީސީޓީވީ ފުޓޭޖުތައް ބަލަން ފުލުހުންނަށް ނުދިނުމަކީވެސް ކަންބޮޑުވުމެއް ގޮތުގައި ވަނީ ފާހަގަކޮށްފައެވެ.
މި ކަންކަމުން އެކަނި ވެސް މަގާމުގެ ނާޖާއިޒު ނުފޫޒު ތަހުގީގަށް އަމީން ފޯރުވާފައިވާ ކަމަށް ބެލެވޭކަމަށް އެމްޑީޕީން ހުށައެޅި މައްސަލަގައިވެއެވެ.
