ނޫސްވެރިންނާއި ބައްދަލުނުކުރައްވާތާ 512 ދުވަސްފަހުން ރައީސް ޑރ. މުހައްމަދު މުއިއްޒު މިދިޔަ ހޮނިހިރު ދުވަހު ވަނީ ނޫސްވެރިންނާއި ބައްދަލުކުރައްވާފައެވެ.
މޭ 3 ވަނަ ދުވަހު ހެނދުނު 10:00 ގައި ފެށުނު މި ޕްރެސް ކޮންފަރެންސް ނިންމާލެއްވީ މެންދަމު 12:52 ގައެވެ. އެއީ 14 ގަޑިއިރާއި 52 މިނެޓެއެވެ. މި ޕްރެސް ކޮންފަރެންސްއާއެކު ދުނިޔޭގެ އެންމެ ދިގު ޕްރެސް ކޮންފަރެންސްގެ ރެކޯޑު ރާއްޖެއަށް ލިބިފައިވެއެވެ.
މިކަމާއި ގުޅިގެން މަޖލީހުގައި މިއަދު ވާހަކަ ދައްކަވަމުން ފަލާގް ވިދާޅުވީ އިދިކޮޅު އެމްޑީޕީއަކީ ޒިންމާދާރު ސިޔާސީ ޕާޓީއެއްނަމަ ރައީސް މުއިއްޒު ހެއްދެވި ދުނިޔޭގެ ރިކޯޑަށް މަރުހަބާ ކިޔާ ނޫސް ބަޔާނެއް ނެރެންޖެހޭކަމަށެވެ.
ފަލާހް ވިދާޅުވީ ރައީސް އެދުވަހު ދެއްވި ޕްރެސްއަށް އެމްޑީޕީންވެސް ޖެހޭނީ ތައުރީފުކުރަން ކަމަށެވެ.
އެގޮތަށް ކަންކަން އެމްޑީޕީން ނޫސް ބަޔާނެއް ނެރުނުނަމަ އެއީ އިދިކޮޅު ޒިންމާދާރު ސިޔާސީ ޕާޓީއެއްކަމަށް ގަބޫލު ކުރެވުނީސްކަމަށް ފަލާހް ވިދާޅުވިއެވެ.
އެންމެ ދިގު ޕްރެސް ކޮންފަރެންސްގެ ރެކޯޑު ހިފަހައްޓަވާފައިވަނީ ޔޫކްރެއިންގެ ރައީސް ވޮލޮޑިމިއާ ޒެލެންސްކީއެވެ. 2019 ވަނަ އަހަރުގެ އޮކްޓޯބަރު 10 ވަނަ ދުވަހު ޒެލެންސްކީ ބޭއްވެވި ޕްރެސް ކޮންފަރެންސް ދެމިގެންދިޔައީ 14 ގަޑިއިރަށެވެ.
