އެޗްޕީއޭއިން މިއަދު ބުނީ މެނިންގޯކޮކަލް ބަލީގެ ކޮންޓެކްޓް ޓްރޭސިން މިހާރު ހަދައި ނިމިފައި ވާކަމަށާއި އޭގެ ތެރެއިން އެއްވެސް މީހަކު ބަލީގެ އަލާމާތެއް ހުރިކަމަށް ރިޕޯޓުކޮށްފައި ނުވާކަމަށެވެ.
މިއަދާ ހަމައަށް ވެސް އެ ބަލީގެ އިތުރު ކޭހެއް ރިޕޯޓުކޮށްފައި ނުވާކަމަށް އެ އިދާރާއިން ބުންޏެވެ.
ރާއްޖެއިން މެނިންގޯކޮކަލް ބަލީގެ ކޭހެއް ފެނި ބަލީގެ ކޮންޓެކްޓް ޓްރޭސިން ހަދަން ފެށީ މި މަހުގެ ހަތް ވަނަ ދުވަހެވެ.
އެއީ މި މަހުގެ 7 ގައި އެ ބަލީގައި އުމުރުން 24 އަހަރުގެ ޒުވާން ފިރިހެނަކު ނިޔާވުމާއި ގުޅިގެން ނެވެ. އޭނާ ނިޔާވީ މެލޭޝިއާ އަށް ކުރި ދަތުރަކަށް ފަހު ރާއްޖެ އައި ތަނާ އެވެ.
މެނިންގޯކޮކަލް ބައްޔަކީ މެނިންގޯކޮކަލް ނަމަކަށް ކިޔާ ޖަރާސީމަކުން ޖެހޭ ގައިންގަޔަށް އަރާ ބައްޔެކެވެ. އާންމު ގޮތެއްގައި ލޭގެ އިންފެކްޝަނެއްގެ ގޮތުގައި ޖެހޭ މި ބަލި ބައެއްފަހަރު ސިކުނޑީގެ މެމްބްރޭންތައް ވެސް އިންފެކްޓު ކޮށްލަ އެވެ. މި ބަލީގެ އަލާމާތްތައް ފެންނަނީ ބަލި ޖެހޭތާ އެއް ދުވަހާއި 10 ދުވަހާ ދެމެދު އެވެ.
- އިތުރަށް ކިޔާލަން: މެނިންގޯކޮކަލް އަކީ ކޮބާ؟ މި ބަލީގެ އަލާމާތްތަކަކީ ކޮބާ؟
