ވެލާނާ އެއާޕޯޓް ހުޅުވަން ރޭ އެރުވި ހަވައަކީ ރާއްޖޭގައިވެސް މިހާތަނަށް އެންމެ ބޮޑުކޮށް އެރުވި ހަވައެވެ.
އެމްއޭސީއެލުން ބުނީ ރޭ އެއާޕޓް ހުލުވަން އެރުވި ހަވާ ގިނީސް ވޯލްޑް ރެކޯޑު ފޮތުން ޖާގަ ހޯދީ 19 ތަނެއްގައި އެއް ފަހަރާ، 'ސިންކްރޮނައިޒްޑް'ވާ ގޮތަށް ހަވާ އެރުވުމުންކަމަށެވެ.
އެމްއޭސީއެލުން ބުނީ ހަވާގެ ހަރަކާތް ގިނީސް ވޯލްޑް ރެކޯޑު ފޮތަށް އަރައި އެކަމުގެ ލިޔުން މިހާރު ލިބިފައިވާކަމަށާއި އެލިޔުން ހަވާލުކުރީ އާ ޓާމިނަލްގެ ފުރަތަމަ ބޯޓަށް މަރުހަބާ ކިޔުމަށް މިއަދު ބޭއްވި ރަސްމިއްޔާތުގައިކަމަށެވެ. އަދި ރޭގެ ހަވާއެރުވުން ރެކޯޑު ފޮތަށް އެރުވުމަށް 'ހެކިން'ގެ ގޮތުގައިވެސް ގިނީސް ވޯލްޑް ރެކޯޑުން ބަޔަކު ބައިވެރިވިކަމަށްވެސް އެމްއޭސީއެލުން ވަނީ ބުނެފައެވެ.
ރޭ އެރުވި ހަވާ ބަލާލަން ގިނަ ބަޔަކުވަނީ ނުކުމެފައެވެ.
އާ ޓާމިނަލް ހުޅުވުމަށް ރޭ އެރުވި ހަވާ ބަލާލަން ގިނަ ބަޔަކު ވަނީ ނުކުމެފައި
އެއާޕޯޓް އާ ޓާމިނަލް ހުޅުވުމަށް ރޭ ބޭއްވި ހަވާ އެރުުމުގައި މާލެ ވަށައިގެން 19 ސަރަހައްދަކުން 6 މިނެޓް ވަންދެން ހަވާ އަރުވާފައިވެއެވެ. އަދި ޑްރޯން ޝޯއެއްވެސް ކުރިޔަށް ގެންގޮސްފައިވެއެވެ.
ޓާމިނަލް ހުޅުވުމަށް ބޭއްވި ޑްރޯން ޝޯގައިވަނީ ރާއްޖޭގެ މިނިވަންކަން ދައްކުވައިދޭ ބައެއް މަންޒަރުތައް ދައްކާލާފައެވެ. އެގޮތުން އިންގިރޭސިންގެ އަތުން ރާއްޖެ މިނިވަންވުމަށް ސޮއިކުރި އެއްވަސްވުމުގައި ސޮއިކުރި މަންޒަރުވެސް ޑްރޯންތަކުން ވަނީ ދައްކާލާފައެވެ. މީގެއިތުރުން ރާއްޖޭގެ ރަށްތަކުން ފެންނަ މަންޓާރޭ އާއި ރާއްޖޭގެ ދަތުރު ފަތުރުކުރުމުގެ ނިޒާމުގައި ބޭނުން ކުރާ އުޅަނދުތައްވެސް ވަނީ ދައްކާލާފައެވެ.
