އެމްއޭސީއެލްއިން ހާމަކޮށްފައިވާ ތަފާސްހިސާބުތަކުން ދައްކާ ގޮތުގައި މިއަހަރުގެ ފުރަތަމަ ހަމަސްދުވަހުގެ ތެރޭގައި ވެލާނާ އެއާޕޯޓުން ހިދުމަތް ހޯދި ދަތުރުވެރިންގެ އަދަދަކީ 4,108,845 އެވެ. މިއީ މިދިޔަ އަހަރުގެ މި މުއްދަތާ އަޅާބަލާއިރު 4 ޕަސަންޓުގެ އިތުރުވުމެކެވެ. މި ދަތުރުވެރިންގެ ތެރެއިން ބައިނަލްއަގުވާމީ ދަތުރުތައް ކުރި 2,669,969 ދަތުރުވެރިންނާއި، އެތެރޭގެ ދަތުރުތައް ކުރި 579,079 ދަތުރުވެރިންނާއި، ސީޕްލޭންގެ ދަތުރުތައް ކުރި 859,797 ދަތުރުވެރިން ހިމެނެއެވެ.
ވެލާނާ އިންޓަނޭޝަނަލް އެއާޕޯޓަކީ މި ސަރަހައްދުގައި އޮތް އެންމެ ބިޒީ އެއާޕޯޓެވެ. އަދި އެ އެއާޕޯޓުގެ ހިދުމަތް އިތުރަށް ފުޅާކުރުމުގެ ގޮތުން އައު ޓާމިނަލް ޖުލައި 26 ވަނަ ދުވަހުއެވެ. މި އައު ޓާމިނަލާއެކު އަހަރެއްގެ ތެރޭގައި 7.5 މިލިއަން ދަތުރުވެރިންނަށް ހިދުމަތް ދެވިގެންދާނެ ކަމަށް އެމްއޭސީއެލްއިން ބުނެއެވެ.
