މި އިމާރާތުގެ ފައުންޑޭޝަން ކޮންކްރީޓް އެޅުމުގެ މަސައްކަތް ފައްޓާ ދިނީ އެކުންފުންޏަށް 29 އަހަރަށްވުރެ ގިނަދުވަހު ހިދުމަތްކުރި 10 މުވައްޒަފުންނާއި، މެނޭޖިން ޑިރެކްޓަރު އަބްދުލް މަތީން މުހައްމަދާއި ކުންފުނީގެ ބޯޑު މެންބަރުންނެވެ.
މި އިމާރާތުގެ މަސައްކަތް މިއަހަރުގެ ސެޕްޓެމްބަރ މަހުގެ ނިޔަލަށް ނިންމުމަކީ އަމާޒެއްކަމަށް އެމްޑަބްލިޔުއެސްސީ ބުނެއެވެ. މި އިމާރާތުގެ މަސައްކަތް ނިމުމާއެކު، ދުވާލަކު 5000 ޓަނުގެ ފެން އުފެއްދޭ 2 އާރް.އޯ ޕްލާންޓް މިތަނުގައި ބެހެއްޓުމުގެ މަސައްކަތް ފަށާނެކަމަށް އެމްޑަބްލިޔުއެސްސީ ބުނެއެވެ.
10ހާސް ޓަނުގެ ފެން ޕްލާންޓް ހުންނަ އިމާރާތުގެ މަސައްކަތް ފެށުމުގެ ތެރެއިން
މި ފެން ޕްލާންޓަކީ މާލެ އާއި ހުޅުމާލޭގެ ފެނުގެ ހިދުމަތުގެ ކަށަވަރުކަން އިތުރުކުރުމަށް ކުރިއަށް އެޅުނު މުހިންމު ފިޔަވަޅެއްކަމަށް އެމްޑަބްލިޔުއެސްސީ ބުނެއެވެ. އަދި އަމާޒަކީ މެދުކެނޑުމެއްނެތި، ދެމެހެއްޓެނިވި ގޮތެއްގައި ސާފު ބޯފެނާއި ރައްކާތެރި ނަރުދަމާގެ ހިދުމަތް އެންމެހައި ރައްޔިތުނަށް ފޯރުކޮށްދިނުން ކަމަށްވެސް އެމްޑަބްލިޔުއެސްސީ ބުނެއެވެ.
