އިދިކޮޅު ކޯލިޝަނުން ފޮނުވި ސިޓީގައި ބުނެފައިވަނީ ފަހަކަށް އައިސް ޖަލުތަކުގައި ތިބޭ ގައިދީންގެ މެދުގައި ހަމަނުޖެހުން ހިނގައި އޮފިސަރުންނަށް އިންޒާރުދޭ ކަމުގެ މައުލޫމާތު ލިބެމުންދާކަމަށެވެ.
އެގޮތުން މާފުށީ ޖަލުގައި އެސްއޯ ފުލުހުން އިއްޔެ ހިންގި އޮޕަރޭޝަނުގައި އެތަނުގެ ގޮޅިތަކުގައި ތިބި ގައިދީން ނެރެ ބަލާ ފާސްކޮށްފައިވާކަން ފާހަގަކޮށް ސިޓީގައި ބުނެފައިވަނީ އެކަމުގެ މައުލޫމާތު ކަމާ ގުޅޭ އިދާރާތަކުން ހިއްސާކޮށްފައިނުވާކަމަށާއި ހޯމް މިނސްޓަރަށް ގުޅުމުން ފޯނަށް ޖަވާބު ދެއްވާފައިނުވާކަމަށެވެ،
އަދި ރައީސް އަބްދުﷲ ޔާމިން ޖަލު ހުކުމެއްގައި މާފުށީ ޖަލުގައި ހުންނަވަނިކޮން، އެތަނުގައި ހަމަނުޖެހުން ހިނގުމަކީ ކޯލިޝަނުން ކަންބޮޑުވާކަމެއްކަމަށާއި ޖަލުގައި ފުލުހުންގެ އޮޕަރޭޝަނެއް ހިންގުމަކީވެސް ތަނުގެ ރައްކާތެރިކަމާމެދު ކަންބޮޑުވާކަމެއްކަމަށް ސިޓީގައި ބަޔާންކޮށްފައިވެއެވެ.
މީގެ އިތުރުން ބުނެފައިވަނީ ރައީސް ޔާމިނަށް ކަފާލާތުގެ ފުރުސަތު ދީފައިނުވުމުން އެނގޭކަމަކީ އެމަނިކުފާނަށާއި އެ އައިލާއަށް ސަރުކާރުން އަނިޔާވެރި ވަމުންދާކަންކަމަށް ގަބޫލުކުރެވޭކަމަށް ސިޓީގައި ބުނެފައިވެ އެވެ. އަދި ރައީސް ޔާމީނަސް ލިބިދާނެ ގެއްލުމަކުން ރައްކާތެރިކުރުމަށް އެމަނިކުފާނު ގެޔަސް ބަދަލުކޮށްދިނުމަށް ވެސް އިދިކޮޅު ކޯލިޝަނުން ވަނީ އެދިފައެވެ.
