އިއްޔެ ހަވީރު އެމްޕީއެލް ބަނދަރު ސަރަހައްދުގައި ހިނގި މި ހާދިސާގައި ދެ މީހަކު ވަނީ ނިޔާވެފައެވެ. އޭއީ ދިވެއްސަކާއި ބަންގްލަދޭޝްގެ ރައްޔިތެކެވެ.
މިކަމާއި ގުޅިގެން މިއަދު އެމްޕީއެލްއިން ނެރުނު ބަޔާނެއްގައި ވަނީ އެ ހާދިސާގައި މަރުވި މުވައްޒަފުންގެ އާއިލާތަކަށް ތައުޒިޔާ ކިޔާއި އެ ހާދިސާ ތަހުގީކުރާކަން ހާމަކޮށްފަށްފައެވެ.
"އައި އެންޑް ސީ ހަލީމާ" ނަމަކަށް މި ކޮޅުވެއްޓި ބަންޑުން ޖަހާލީ ހައިމާކުތަކެއް އެއަށް ބަރުކުރުމުގެ މަސައްކަތް ކުރަމުން އަންނަނިކޮށެވެ. އެ ގޮތުން އެއަށް އެއް އެއް ހައިމާކު ބަރުކޮށް އަނެއް ހައިމާކު ބެހެއްޓި ވަގުތު ކޮޅުވެއްޓިގެ ބެލެންސް ގެއްލި ބަނޑުން ޖަހާލީއެވެ.
މި ހާދިސާގައި ހިނގި ވަގުތު އެ ކޮޅުވެއްޓިގައި 14 މީހުން ތިބިކަމަށާއި މި އެންމެން ސަލާމަތްކޮށް 6 މީހަކަށް އަނިޔާވެގެން އެ ވަގުތު ހޮސްޕިޓަލަށް ގެންގޮސް ފަރުވާދޭން ފެށިކަމަށް އިއްޔެ ފުލުހުން ވަނީ ބުނެފައެވެ.
މިއީ މިއަަރުގެ ތެރޭގައި ކޮޅުވެއްޓި ބަންޑުން ޖަހާލައިގެން ހިނގި ތިންވަނަ ހާދިސާއެވެ. މިދިޔަ ޖޫން މަހު ހިނގި ހާދިސާގައި ދެ މީހަކު މަރުވިއެވެ. އަދި މިދިޔަ މަހު ހިނގި ހާދިސާގައި ތިން މީހަކު މަރުވި އިރު އޭގައި ދިވެއްސަކުވެސް ހިމެނެއެވެ.
