މި އެއްބަސްވުންތަކުގައި ސޮއިކުރަމުންދަނީ މި ކަމަށްޓަކައި ބާސެލޯ ނަސަންދުރާގައި ކުރިޔަށްދާ ރަސްމިއްޔާތެއްގައެވެ. މި ރަސްމިއްޔާތު 4 ވަރަކަށް ގަޑިއިރަށް ކުރިޔަށްދާނެކަމަށް ބެލެވެއެވެ.
ވާދަވެރި ބީލަމަކަށް ނުގޮސް މިއަދު ހަވާލުކުރެވޭ މަޝްރޫއުތަކަކީ އިކޮނޮމިކް ކައުންސިލުން ފާސްކޮށްފައިވާ މަޝްރޫއުތަކަކެވެ.
މިއަދު ސޮއިކުރާ އެއްބަސްވުންތަކުގެ ތެރޭގައި ހިޔާވަހިކަމުގެ މަޝްރޫއުތަކާއި ތައުލީމީ މަޝްރޫއުތަކާއި މަތީ ތައުލީމުދޭ އިމާރާތަތައް ބިނާކުރުމާއި ސިއްހީ އިމާރާތްތައް ހެދުމާއި ޓާފްދަނޑުތައް އެޅުން ފަދަ މަޝްރޫއުތައް ހިމެނެއެވެ.
އަމިއްލަ ކުންފުނިތަކަށް ގިނަ އަދަދެއްގެ މަޝްރޫއުތަކެއް ހަވާލުކުރާނެކަން ރައީސް މުއިއްޒު އިއުލާންކުރެއްވީ މިދިޔަ މަހުގެ 21 ވަނަ ދުވަހު ލ. ގަމުގެ ރައްޔިތުންނާ ބައްދަލުކުރައްވައި ދެއްކެވި ވާހަކަފުޅުގައެވެ. މީގެ ސަބަބުން އެތައް ކުންފުންޏަކަށް ފައިސާ ލިބޭނެ ގޮތް ހަމަޖެހި، ދިވެހި އެތައް އާއިލާއަކަށް ތަނަވަސްކަން ލިބުމުގެ މަގުފަހިވާނެކަން ރައީސް ވިދާޅުވިއެވެ.
