މަރުކަޒީ ބޭންކުން ބުނީ 20 ރުފިޔާގެ ނޫޓުގެ އައު ސްޓޮކެއް ގެނައީ އެ ނޫޓުގެ ސްޓޮކް މަދުވުމުގެ ސަބަބުންކަ.ަށެވެ. މި ސްޓޮކް ރާއްޖެ ގެނެސްފައިވަނީ މިއަދު ކަމަށްވެސް މަރުކަޒީ ބޭންކު އެމްއެމްއޭއިން ބުނެއެވެ.
މި މަހުގެ ދެވަނަ ދުވަހު 100 ރުފިޔާގެ އައު ސްޓޮކެއް އެމްއެމްއޭއިން ރާއްޖެ ގެނެސް ވިޔަފާރިގެ ތެރެައަށް ވަނީ ދޫކޮށްލާފައެވެ. 100 ރުފިޔާގެ ނޫޓުގެ ސްޓޮކް ވެސް ގެނައި އެ އަދަދުގެ ނޫޓްތައް މަދުވުމާ ގުޅިގެންކަމަށް އެމްއެމްއޭއިން ވަނީ ބުނެފައެވެ.
ދިވެހިރާއްޖޭގައި މިހާރު ބޭނުންކުރަމުންދާ "ރަން ދިހަފަހެއް" ނޫޓު ސީރީޒަކީ ރާއްޖޭގެ މިނިވަންކަމަށް 50 އަހަރު ފުރުމުގެ މުނާސަބަތާ ގުޅިގެން 2016 ވަނަ އަހަރު ތައާރަފުކުރި ނޫޓުތަކެކެވެ
