ޑރ އިޔާޒް ވަނީ، ދިވެހިރާއްޖޭގައި ގައިދުރުކޮށް ސަފުހެދުމާއި ސައުދީ އަރަބިއްޔާގެ ހަރަމްފުޅުގައި ގައިދުކޮށް ސަފު ހެދުމާއި އަޅާ ކިޔާ މީހުންނަށް ރައްދު ދެއްވާފައެވެ.
އެގޮތުން ހަރަމްފުޅުގައި ގައިދުކޮށް ސަފުހެދުމަށް ނިންމުމުން އެކަމައި ދެކޮޅަށް ދީނީ އިލްމުވެރިން ބަސް ނުބުނަނީ މަސްލަހަތައްޓަކައި ކަމަށް އޭނާ ވިދާޅުވިއެވެ.
އިންޑޮނޭޝިއާގައި ގައިދުރުކޮށް ނަމާދުކުރަން ފެށުމުން ސައުދީގެ މަޝްހޫރު ދީނީ އިލްމުވެރިއާ އަބްދުލް މުހުސިން އަލް އަބްއާދު އެކަމާއިއިންކާރު ކުރައްވައި ބަޔާން ނެރެފައިވާކަމަށް އިޔާޒު ވިދާޅުވިއެވެ.
ތޯގޫނު ބަލި ކިޔާ ގައިންގަޔަށް އަރާ ނުރައްކާތެރި ބައްޔެއް އައި ނަމަވެސް، ގައިދުރުކޮށް ނަމާދުކޮށްފައި ނުވާކަން އިޔާޒު ފާހަގަކުރެއްވިއެވެ.
އިޔާޒް ވިދުވީ ސައުދީގައި ހުރިހާކަމެއް ވެސް ވަރަށް ބޮޑަށް ބެލެހެއްޓިގެން ކުރިއަށް ދާކަމަށެވެ. އެގޮތުން މީހަކު ބާޒާރަށް ނުކުތައް ފުލުހުން އައިސް ސުވާލުކުރާކަމަށެވެ.
ޑރ. އިޔާޒް ގެންދަވަނީ ގައިދުރުކޮށް ނަމާދު ކުރުމަކީ އިސްލާމު ދީނުގައި އެކަން ކުރަން އަންގަވާފައިވާ ގޮތް ނޫންކަން ބުނެދިނުމަށް ސޯސަލް މީޑިއާގައި މަސައްކަތްތަކެއް ކުރައްވަމުންނެވެ.
މި މަސައްކަތްތައް ކުރައްވަމުން ގެންދަވަނިކޮށް މީހަކު ހުށެހެޅި މައްސަލައެއްގައި ގައުމީ ޔުނިވާސިޓީގެ ސީނިއާ ލެކްޗަރުކަމުން އޭނާ ވަނީ ސަސްޕެންޑު ކޮށްފައެވެ.