ދައުލަތުގެ މީޑިއާގެ ޕްރޮގްރާމެއްގައި ރޭ ވާހަކަ ދައްކަވަމުން މިނިސްޓަރު ވިދަޅުވީ ރާއްޖެއިން ވެކްސިން ޓޫރިޒަމް ފަށަން އުޅޭ ވާހަކަ މުޅު ދުނިޔޭގެ އެކިކަންކޮޅުތަކަށް މިހާރު ފެތުރިފައިވާކަމަށެވެ. 

ރާއްޖެއިން ފަށަން ނިންމާފައިވާ ވެކްސިން ފަތުރުވެރިކަމަށް ކިޔަނީ ވީ3 އެވެ. މާނައަކީ ވިސިޓް، ވެކްސިނޭޓް އަދި ވެކޭޝަން އެވެ.

މި ހިދުމަތް ފަށާނީ ދިވެހިރާއްޖޭގެ 550،000 (ފަސްލައްކަ ފަންސާސް ހާސް) ދިވެހިންނަށް ވެކްސިން ދިނުމަށްފަހުއެވެ. މިހާރު ރާއްޖޭގެ 60 ޕަސަންޓަށްވުރެ ގިނަ ބަޔަކު ވަނީ ފުރަތަމަ ޑޯޒް ޖަހާފައެވެ. އަދި 40،000 އަށްވުރެ ގިނަ މީހުން ވަނީ ދެވަނަ ޑޯޒް ޖަހާފައެވެ. 

މިއަހަރުގެ ފަތުރުވެރިކަމުގެ ލޯ ސީޒަންގައި އެހެން އަހަރުތަކަށްވުރެ ގިނައިން ރާއްޖެއަށް ފަތުުރުވެރިން އަންނާނެކަމަށް ލަފާކުރެވޭކަމަށް ވެސް މިނިސްޓަރު މައުސޫމް ވަނީ ވިދާޅުވެފައެވެ.