އިއްޔެ ފަނަރަދުވަސް އިތުރުކޮށްދީފައިވާއިރު، އެމައްސަލައިގައި އޭނާ ހައްޔަރުކޮށް މީގެ ކުރިންވެސް ވަނީ 15 ދުވަހުގެ މުއްދަތު ޖަހައިފައެވެ.
ހުޅުމާލޭ ނިރޮޅު މަގު، 19 ނަންބަރު ގޯޅީގައި ހިންގަމުން އަންނަ ހާންޖީ ރެސްޓޯރަންޓުގައި މަސައްކަތް ކުރަމުން އައި ބަންގްލަދޭޝް މީހާ މަރާލި މައްސަލައިގައި ހައްޔަރު ކޮށްފައިވަނީ ޕާކިސްތާނު ޝެފެއްކަމަށްވާ މުހައްމަދު އާބިދުއެވެ. އޭނާ އެރޭ ފުލުހުން އަތުލައިގަތީ ފިލައިގެން އުޅެނިކޮށް ހުޅުމާލޭ ފޭސްދޭއްގެ ބީޗް ސަރަހައްދުންނެވެ.
ކުރިން ދިން މުއްދަތު ހަމަވާތީ ކްރިމިނަލް ކޯޓުން ވަނީ ކަސްޓޯޑިއަލް ޖަލެއްގައި އޭނާ ބަންދުކުރަން 15 ދުވަސް އިތުރުކޮށްފައެވެ.
މިހާދިސާގައި މަރުވި އެމްޑީ ޝަމީމްގެ ހަށިގަނޑު ވަނީ އެޕްރީލް 22 ވަނަ ދުވަހު ގައުމަށް ފޮނުވާލައިފައެވެ.
ހުޅުމާލޭގައި ހުންނަ ޕާކިސްތާނުގެ ކެއުންތަކަށް ހާއްސަ 'ހާންޖީ' ރެސްޓޯރަންޓުގައި މަސައްކަތް ކުރަމުންދިޔަ ބަންގްލަދޭޝް ވޭޓަރު މަރާލިމައްސަލައިގައި ހައްޔަރު ކޮށްފައިވާ އެ ރެސްޓޯރަންޓުގެ ޕާކިސްތާން ކައްކާގެ އާއިލާވެސް ވަނީ މިމައްސަލައިގައި ރާއްޖެ އައިސްފައެވެ.
