ރައީސުލް ޖުމްހޫރިއްޔާގެ ނަންފުޅުގައި ދެވޭ މި އެވޯޑުގައި ތަފާތު ކެޓަގަރީތަކަށް ނަން ހުށަހެޅުމުގެ ފުރުސަތު ހުޅުވާލާފައިވެއެވެ. އޭގެ ތެރޭގައި ރިސޯޓްތަކާ، ހޮޓެލް، ސަފާރީ، ގެސްޓު ހައުސް ހިމެނެއެވެ. މީގެ އިތުރުން ލޯކަލް ޓޫރިޒަމްގެ ތެރެއިން އެންމެ ލޯކަލް ޓޫރިޒަމަށް އެންމެ ރަނގަޅު ރަށާއި، ވޯޓަ ސްޕޯޓްސް، ޑައިވް ސެންޓަރުތައް އަދި ފަތުރުވެރިކަމުގެ ދާއިރާގައި ހަރަކާތްތެރިވާ މިއުޒީޝަނުންނާއި އެ ނޫންވެސް ފަންނާނުންގެ އިތުރުން ފަތުރުވެރިކަމުގެ ދާއިރާގައި ގިނަ ދުވަހު މަސައްކަތް ކުރި ފަރާތްތަކާ ގުޅޭ އެވޯޑްތައްވެސް ހިމެނެއެވެ.
އެވޯޑްތަކަށް އެދި ހުށަހެޅުމުގެ ފުރުސަތު މިހާރު ހުޅުވާލާފައިވާއިރު، އެވޯޑަށް އެދި ހުށަހެޅުމުގެ އެންމެ ފަހު ތާރީޚެއް ކަމަށް މި ވަގުތު ކަނޑައަޅާފައިވަނީ މި މަހުގެ 11 ވަނަ ދުވަހެވެ.
ފަތުރުވެރިކަމަށް 50 އަހަރު ފުރޭ މި އަހަރު، ޕްރެޒިޑެންޓްސް ޓޫރިޒަމް ގޯލްޑް އެވޯޑް ތައާރަފްކޮށްފައިވާއިރު، ފަތުރުވެރިކަމުގެ ދާއިރާގައި ގިނަ ދުވަސްތަކެއްވަންދެން ހިދުމަތްކޮށްފައިވާ ފަރާތްތަކުގެ ދަފްތަރެއް އެކުލަވާލުމުގެ މަސައްކަތްވެސް ޓޫރިޒަމް މިނިސްޓްރީންވަނީ ފަށާފައެވެ.
