މިގޮތަށް ސަރުކާރުން ކަނޑައެޅީ މިއަދު އިކޮނޮމިކް މިނިސްޓްރީން ގެޒެޓްކުރި "ސްޕާގެ ވިޔަފާރި ހަރަކާތް ރަޖިސްޓަރީކޮށް ހިންގުމުގެ ގަވާއިދު"ގެ ދަށުންނެވެ.
ސްޕާތައް ހިންގުމަށް ހަރުކަށި ގަވާއިދެއް އިކޮނޮމިކް މިނިސްޓްރީން އެކުލަވާލީ، ރާއްޖޭގައި ހިންގާ ބައެއް ސްޕާތަކުގައި ހަށިވިއްކުމާއި ފާހިޝްއަމަލުތައް ފާޅުގައި ކުރަމުން ގެންދާކަމަށް ބުނެ އެތައް ބަޔަކު ކަންބޮޑުވުން ފާޅުކުރަމުން ދަނިކޮށެވެ. އަދި ހަށިވިއްކުން ޕްރަމޯޓްވާގޮތަށް އެފަދަ ތަންތަން ސޯޝަލް މީޑިއާގައި އިސްތިހާރުކުރުން އާއްމު ވުމުންނެވެ.
މިއަދު ގެޒެޓްކުރަންފެށި ގަވާއިދުގެ ޖަދުވަލު 2 ގެ(ޅ) ގައި ބުނެފައިވަނީ:
އަދި ސްޕާތަކުގައި މަސާޖް ކުރުމަށް ބޭނުންކުރާ ކޮޓަރިތައް ހުންންނަވާނީ ރިސެޕްޝަން އޭރިއާއިން ވަދެވޭގޮތަށް ކަމަށާއި، ހިދުމަތް ހޯދުމުގެ ކުރިން އިށީންދެ ތިބެވޭގޮތަށް ރިސެޕްޝަން އޭރިއާގައި ވެޓިން އޭރިއާއެއް ހުންނަންވާނެކަމަސްވެސް ގަވާއިދުގައި ބުނެފައި ވެއެވެ.
މީގެއިތުރުން ސްޕާގެ ހިދުމަތްދޭ ތަންތަނުގައި ހިދުމަތް ދިނުމަށް ހުންނަ އެނދުތަކަކީ އެކަމަށް ހާއްސަ އެނދުކަމަށް ވާންޖެހެނެ ކަމަށާއި، ކޮޓަރިއެއްގައި އެއް އެނދަށްވުރެ ގިނަ އެނދު ހުންނަ ނަމަ ކޮންމެ އެނގެދެއްގެ ދޭތެރޭގައި ތިން ފޫޓްގެ ދުރުމިނެއް ހުންނަންވާނެކަމަށްވެސް ގަވާއިދުގައި ބުނެފައި ވެއެވެ.