މި މީހުން ހައްޔަރުކޮށްފައިވަނީ މާލޭގައި މިދިޔަ އަންގާރަ ދުވަހު ހިންގި އޮޕަރޭޝަނެއްގައި ރޯޅި ގެސްޓްހައުސް ބަލައި ފާސްކުރުމަށްފަހު އެވެ.
މި މައްސަލާގައި ހައްޔަރުކުރީ:
. 43 އަހަރުގެ ދިވެހި ފިރިހެނެއް
- 43 އަހަރުގެ ބިދޭސީ ފިރިހެނެއް
- 31 އަހަރުގެ ބިދޭސީ އަންހެނެއް
- 36 އަހަރުގެ ބިދޭސީ އަންހެނެއް
މިމައްސަލާގައި އަމަލު ހިންގަނިކޮށް ހައްޔަރުކުރި ދިވެހި މީހާ ދޫކޮށްލާ އަންހެން ދެ މީހުންގެ ބަންދަށް 1 ދުވަސް ޖެހިއިރު މިމައްސަލާގައި ހައްޔަރުކުރި ބިދޭސީ ފިރިހެނާގެ ބަންދަށް 15 ދުވަސް ވަނީ ޖަހާފަ އެވެ. އެއް މައްސަލައެއްގައި ހައްޔަރުކުރި މި ހަތަރު މީހުންގެ ބަންދުގެ މުއްދަތު ޖެހުމަށް ކޯޓުން ނިންމި ނިންމުމުގެ ތަފްސީލެއް ފުލުހުން ހާމައެއް ނުކުރެ އެވެ. އަދި ޖިންސީ ގުޅުން ހިންގަނިކޮށް ހައްޔަރުކުރި ފިރިހެންމީހާ ދޫކޮށްލި ގޮތެއްވެސް ސާފުކޮށެއް ނުދެ އެވެ.
ހަށި ވިއްކުމާއި އިންސާނީ ވަގު ވިޔަފާރީގެ މައްސަލަތަކުގައި މިދިޔަ 2022 ވަނަ އަހަރު އެކަނިވެސް 32 މީހަކު ހައްޔަރުކޮށް 28 މީހަކު ޑީޕޯޓްކޮށްފައި ވެއެވެ.
