ލަންކާގެ ކެންޑީ ހިލްވުޑް ކޮލެޖް ސްވިމިން ޕޫލުގައި އޮންނަ މި މުބާރާތުން ދިވެހި މި ދެ ޓީމުވެސް މެޑަލް ހޯދާފައިވަނީ ހަތަރެއް ގުނަ ސަތޭކަ މީޓަރު މެޑްލީ ރިލޭއިންނެވެ.

ޖޫނިއާ ފިރިހެން ޓީމު ރިހި މެޑަލް ހޯދީ ލަންކާގެ ކޮލެޖުތަކާއި އެކިއެކި ކުލަބުތައް ހިމެނޭގޮތުން ނުވަ ޓީމަކާ ވާދަކޮށްގެންނެވެ. އަދި ސީނިއާ ފިރިހެން ޓީމު ލޯ މެޑަލް ހޯދީ ލަންކާގެ އެންމެ ވަރުގަދަ މޮޅެތި ފެތުންތެރިން ހިމެނޭހެން އެކިއެކި ކުލަބުތަކާއި ކޮލެޖުތަކުން 14 ޓީމަކާ ވާދަކޮށްގެންނެވެ.

މި މަހުގެ 30 ވަނަ ދުވަހުގެ ނިޔަލަށް ކުރިއަށްދާ މި މުބާރާތުގައި ރާއްޖޭގެ ފެތުންތެރިން ވާދަކުރަނީ ޖޫނިއާ ނެޝަނަލް ފިރިހެންގެ އިތުރުން ނެޝަނަލް އަންހެން އަދި ފިރިހެން ބައިގައެވެ. މި ހަތަރު ބައިގައި ޖުމްލަ 25 ދިވެހި ފެތުންތެރިން ވާދަކުރެއެވެ.

މި މުބާރާތުގައި ރާއްޖެ ހިމެނޭހެން ލަންކާގެ އެކި ކުލަބުތަކާ ކޮލެޖުތަކުން ޖުމްލަ 49 ޓީމު ވާދަކުރެއެވެ.