މީހުން ދިރިއުޅޭ ކޮންމެ ގޭބިސީއަކަށް ފުށް ބަސްތާއަކާއި ހަނޑޫ ބަސްތާއެއް ރޯދަމަހު ދިނުމަށް ސަރުކާރުން ނިންމާފައިވާކަން ރައީސް ޑރ. މުހައްމަދު މުއިއްޒު ވަނީ އެމަނިކުފާނު، ޗައިނާއަށް ކުރެއްވި ރަސްމީ ދަތުރުފުޅު ފަހު އިއުލާންކުރައްވާފަ އެވެ.
މީހުން ދިރިއުޅޭ ކޮންމެ ގޭބިސީއަކަށް 10 ކިލޯ ހަނޑުލާއި 10 ކިލޯ ފުށް ދިނުމަށް ސަރުކާރުން ވަނީ ނިންމާފަ އެވެ.
ލޯކަލް ގަވަމެންޓް މިނިސްޓަރު، އާދަމް ޝަރީފް މިއަދު މީޑިއާތަކަށް މައުލޫމާތު ދެއްވަމުން ވިދާޅުވީ އެސްޓީއޯ މެދުވެރިކޮށް ދޫކުރާ ކާޑުގެ ބާވަތްތައް ކޮންމެ ރަށެއްގެ ވެސް ކައުންސިލުތަކުން އަންނަ ހޮނިހިރު ދުބަހު ބަހަން ފަށާނެ ކަމަށެވެ. އަދި ވިދާޅުވީ އެ ތަކެއްޗާ ހަވާލުވުމަށް ރަޖިސްޓްރީވާން ނުޖެހޭނެކަމަށެވެ.
ހަނޑުލާއި ފުއް ފަދަ ޒަަރޫރީ ކާބޯތަކެއްޗަށް އެއް ގައުމަކަށް ބަރޯސާވުން ނިމުމަކަށް ގެންނާނެ ކަމަށް ވެސް ސަރުކާރުން މީގެ ކުރިން ވަނީ ބުނެފައެވެ. އެގޮތުން، އެއް އަހަރަށް ވުރެ އިތުރަށް ބޭނުންވާ ވަރަށް އެސްޓީއޯއަށް ހަނޑޫ ހަކުރު ފުއް ތުރުކީވިލާތުން ގެނައުމަށް އެ ގައުމާއެކު ވަނީ އެއްބަސްވެފަ އެވެ.
ދިވެހިރާއްޖެއަށް ތުރުކީން ކާޑުގެ ޝިޕްމަންޓް ގެންނަ ބޯޓު މިހާރު އެ ގައުމުން ފުރާފައިވާ ކަމަށް އެސްޓީއޯއިން މިފަހުން ވަނީ ބުނެފަ އެވެ.
- އިތުރަށް ކިޔާލަން: ރާއްޖެއަށް ކާޑު ގެންނަ ބޯޓު ތުރުކީން ފުރައިފި
