ރައީސް ޑރ. މުހައްމަދު މުއިއްޒު ވަނީ މިއަހަރުވެސް ރޯދަމަހު ފެން ބިލާއި ކަރަންޓް ބިލުން ޑިސްކައުންޓު ދިނުމަށް ނިންމާފައެވެ. އެކަމާއި ގުޅިގެން ކަރަންޓާއި ފެނުން 10 އިންސައްތައިގެ ޑިސްކައުންޓެއް ދޭނެކަމަށް އެ ކުންފުނިތަކުން ވަނީ ބުނެފައެވެ.
ދައުލަތުގެ މީޑިއާގައި ވާހަކަ ދައްކަވަމުން ޓޫރިޒަމް އެންޑް އެންވަޔަރަންމަންޓް މިނިސްޓްރީގެ ސްޓޭޓް މިނިސްޓަރު ޑރ. މުއާވިއަތު މުހައްމަދު ވިދާޅުވީ މިހާރުގެ ހުރި އަދަދުތަކަށް ބަލާއިރު މިއަހަރުގެ ރޯދަމަހު ކަރަންޓާއި ފެން ބިލުން ރައްޔިތުންނަށް 160 މިލިއަން ރުފިޔާގެ ޑިސްކައުންޓެއް ދެވޭނެކަމަށް އަންދާޒާކުރެވޭކަމަށެވެ. އެހެންނަމަވެސް ޑިސްކައުންޓްގެ ގޮތުގައި ދެވޭ އަދަދު ސީދާ އަދަދު އެނގޭނީ ރޯދަމަހުގެ ބިލުތަކުގައި ޑިސްކައުންޓުތައް ހިމެނުމުންކަމަށެވެ.
ހިދުމަތްތައް ބޭނުންކުރާ ގޮތުން ބިލް ބޮޑުނުވާ ގޭބިސީތައްވެސ ހުރުމަކީ އެކަށީގެންވާކަމެއްކަން ފާހަގަކުރައްވަމުން މުއާވިޔަތީ ވިދާޅުވީ އެވެރެޖަށް ބަލާ ކޮންމެ ގޭ ބިސީއަކަށްވެސް 10 އިންސައްތަައިގެ ޑިސްކައުންޓެއް ލިބޭނެކަމަށެވެ.
ކަރަންޓް ބިލަށް ޑިސްކައުންޓް ދިނުމަށް ރޯދަމަހުގެ ބިލަ ވަކިން ހަދާގޮތަށް އެކުންފުނިން ވަނީ ނިންމާފައެވެ. ސްޓެލްކޯއިން ބުނީ ބިލްތަކަށް ޑިސްކައުންޓު ދޭނީ ރޯދަމަހު ބޭނުންކޮށްފައިވާ ކަރަންޓަށް އެކަނި ކަމަށެވެ.
